Agjencia kineze e lajmeve Hsinhua njoftoi se sekretari i përgjithshëm i KQ të PK të Kinës Hu Jintao tha më 26 maj në Pekin se duhet të forcojmë konkretisht ndërtimin e sistemit të të drejtave të pronësisë intelektuale në Kinë, në mënyrë që t'i japim përkrahje të fuqishme ndërtimit të një vendi të tipit krijues.

Hu Jintao tha se Kina duhet të forcojë më tej zbatimin e ligjit dhe të luftojë kategorikisht e të frenojë me efikasitet krimet lidhur me shkeljen e të drejtave të pronësisë intelektuale. Njëkohësisht duhet të marrë pjesë aktivisht në shkëmbimet dhe bashkëpunimin ndërkombëtar në fushën e të drejtave të pronësisë intelektuale për të krijuar kushte të mira për zbatimin e strategjisë së hapjes së Kinës ndaj botës së jashtme me përfitime të përbashkëta dhe për zgjerimin e bashkëpunimit ekonomiko-teknik ndërkombëtar. (Zhai)