Sipas njoftimeve të Radios së Jashtme të Kinës, më 23 maj, presidenti i Greqisë Karolos Papulias dhe kryetarja e parlamentit të Greqisë Anna Psarouda-Benaki zhvilluan përkatësisht bisedime me kryetarin e komitetit të përhershëm të Asamblesë Kombëtare Popullore të Kinës Wu Bangguo.

Gjatë bisedimeve, Papuliasi shprehu besimin e tij që Lojërat Olimpike të vitit 2008 të Pekinit do të jenë lojëra olimpike karakteristike me nivel të lartë. Wu Bangguo tha se Kina ka besim se do t'i organizojë me sukses këto lojëra dhe dëshiron të mësojë nga përvoja e suksesshme e Greqisë. Lidhur me marrëdhëniet kino-greke, Papuliasi u shpreh se marrëdhëniet dypalëshe janë sot në periudhën më të mirë. Greqia dëshiron të bëjë përpjekje për zhvillimin e mëtejshëm të marrëdhënieve të gjithanshme strategjike të partneritetit ndërmejt dy vendeve. Wu Bangguo tha se pala kineze dëshiron që të bëjë përpjekje së bashku me palën greke për nxitjen e zhvillimit të thellë të marrëdhënieve dypalëshe.

Gjatë bisedimeve me Benakin, Wu Bangguo vlerësoi lart zhvillimin e marrëdhënieve dypalëshe gjatë 34 vjetëve të vendosjes së marrëdhënieve diplomatike midis Kinës dhe Greqisë. Ai shprehu falënderime për mirëkuptimin dhe përkrahjen e Greqisë për Kinën në problemet e Tajvanit, të të drejtave të njeriut etj. Benaki u shpreh se Greqia i kushton rëndësi zhvillimit të marrëdhënieve me Kinën dhe admiron sukseset e mëdha në ndërtimin modern të Kinës. (Çang Çuo)