Sipas njoftimeve të Agjencisë Kineze të Lajmeve Sinhua, më 19 prill, presidenti i Shqipërisë Alfred Moisiu dhe kryeministri Sali Berisha u takuan përkatësisht në Tiranë me zv-kryeministrin e Kinës Hui Lianyu që zhvillon një vizitë në Shqipëri.

Gjatë takimit, presidenti Alfred Moisiu tha se Kina ka arritur suksese të mëdha në ndërtimin ekonomik dhe ka luajtur një rol të madh për mbrojtjen e paqes dhe të zhvillimit të botës. Ai shprehu bindjen se dy vendet do të arrijnë përparime të mëdha për nxitjen e bashkëpunimit dypalësh në të njëjtën kohë të ruajtjes së miqësisë tradicionale. Sali Berisha tha se është frymëzues që Kina ka arritur suksese të mëdha pas reformës dhe hapjes. Potenciali i bashkëpunimit midis dy vendeve është shumë i madh. Pala shqiptare dëshiron të gjejë bashkarisht me palën kineze sfera të ndryshme për forcimin e bashkëpunimit midis dy palëve.

Hu Lianyu tha se vitet e fundit, marrëdhëniet politike midis dy vendeve janë të ngushta dhe bashkëpunimi midis dy palëve në fushat ekonomike e tregtare ka arritur rezultate të mira. Ai shprehu bindjen se nëpërmjet përpjekjeve të përbashkëta të dy palëve, dy vendet do të arrijnë me siguri rezultate gjatë bashkëpunimit në fushat politike, ekonomike, tregtare, kulturore, shkencore e teknike.

Sali Berisha theksoi se qeveria shqiptare do të zbatojë me vendosmëri e vazhmidisht politikën për një Kinë. (Du)