Sipas njoftimeve të Agjencisë kineze të Lajmeve Hsinhua, më 27 mars, presidenti i Rumanisë Traian Basescu që ndodhet për vizitë në Kinë, u shpreh në Shangai se mirëpret sipërmarrësit kinezë të investojnë në Rumani, sidomos në fushën e pyjeve, të makinerisë, të energjisë elektrike etj.

Në mbrëmjen e 27 marsit, kryetari i bashkisë së qytetit Shangai, Hang Zheng zhvilloi një takim me presidentin e Rumanisë Basescu. Gjatë takimit, Basescu tha se sukseset në zhvillimin e ekonomisë të Shangait ka tërhequr vëmendje të botës. Ai vizitoi Shangain për të kërkuar bashkëpunimin në fushën tregtare dhe të investimeve midis dy palëve.

Pas vizitës së tij në Shangai, Basescu do të vizitojë Pekinin nga 28 deri më 29 mars. Kryetari i shtetit i Kinës Hu Jintao do të zhvillojë bisedime me Basescun. Më pas edhe liderë të tjerë të Kinës do të takohen me Basescun. Të dyja palët do të shkëmbejnë mendime lidhur me zhvillimin e mëtejshëm të marrëdhëniëve të gjithanshme miqësore të bashkëpunimit të partneritetit midis dy vendeve dhe problemet ndërkombëtare e rajonale me interes të përbashkët. (Çang Çuo)