Korrespodenti i Radios së Jashtme të Kinës njoftoi se më 27 maj, kryetari i shtetit i Kinës Hu Jintao u takua në Pekin me kryeministrin e Kroacisë Ivo Sanader. Ndër të tjera ai u shpreh se Kina dhe Kroacia shpallën të formojnë marrëdhëniet e gjithanëshme të bashkëpunimit dhe të partneritetit dhe kështu, marrëdhëniet midis dy vendeve janë zhvilluar në një fazë të re. Pala kineze dëshiron që bashkë me palën kroate të bëjnë përpjekje të përbashkëta për zbatimin dhe nxitjen e këtyre marrëdhënieve.

Hu Jintao tha se gjatë 13 vjetëve pas vendosjes së marrëdhënieve diplomatike midis dy vendeve, shkëmbimet dhe bashkëpunimi midis dy vendeve në fusha të ndryshme janë frutdhënëse. Pala kineze e falenderoi qeverinë kroate që i përmbahet politikës së një Kine, kundërshton "pavarsinë e Tajvanit" dhe përkrah cështjen e madhe të ribashkimit paqesor të Kinës.

Ivo Sanaderi tha se pala kroate vlerësoi rolin e Kinës në cështjet ndërkombëtare dhe e falenderoi palën kineze që respekton rrugën e zhvillimit dhe politikën themelore të zgjedhur nga populli kroat. Qeveria kroate i përmbahet në mënyrë të paduntur politikën e një Kine. Kroacia do të përpiqet të nxitë zhvillimin më të madh të marrëdhënieve midis dy vendeve. (du)