Sikurse njoftoi Radio e Jashtme e Kinës, më 27 prill, në një mbledhje parlamentare të Filipineve, kryetari i shtetit i Kinës Hu Jintao, që ndodhet për vizitë shtetërore në Filipine, mbajti një fjalim, ku u shpreh se Kina dëshiron të nxitë zhvillimin e marrëdhënieve midis Kinës dhe ASEAN-it drejt gjithanshmërisë, sistematizimit, normëzimit dhe konkretizimit.

Hu Jintao tha se Kina përkrah zhvillimin e pandërprerë të forumit rajonal të ASEAN-it; përkrah rolin kryesor të ASEAN-it në procesin e bashkëpunimit midis vendeve të Azisë lindore. Kina dëshiron të vërë në zbatim "Manifestin e Veprimeve të Palëve të ndryshme në Detin e Kinës Jugore"; dëshiron të forcojë bashkëpunimin me ASEAN-in në fushat e sigurimit jotradicional , si fusha anti-terroriste.

Po më 27 prill, në selinë e Bankës së Zhvillimit të Azisë në Manilë, Hu Jintao u takua me kryetarin e kësaj banke Kuroda Haruhiko. Hu Jintao tha se Kina do të çojë përpara me vendosmëri reformën e hapjen, do t'i kushtojë rëndësi bashkëpunimit me organet monetare ndërkombëtare. (Shyguan)