Sipas njoftimeve të Radios së Jashtme të Kinës, me ftesë të mbretit sulltan të Bruneit, Haji Hassanal Bolkiah, më 20 prill, kryetari i shtetit i Kinës Hu Jintao arriti në kryeqytetin Bandar Seri Begawan të Bruneit duke filluar vizitën e tij në këtë vend.

Pas arritjes, në aeroport, Hu Jintao mbajti një fjalim me shkrim duke thënë se Kina dhe Brunei janë miq të ngushtë dhe të dy popujt kanë një miqësi tradicionale të gjatë. Ai beson se vizita e tij do të zhvillojë më tej mirëkuptimin e besimin e të dyja palëve duke çuar më tej e në mënyrë të gjithanëshme marrëdhëniet e bashkëpunimit dhe të miqësisë midis dy vendeve. (U Sen)