Sipas njoftimeve të Radios së Jashtme të Kinës, në prag të thirrjes së Konferencës jozyrtare të liderëve të Organizatës së Bashkëpunimit Ekonomik të Rajonit të Azisë dhe të Paqësorit, më 19 nëntor, kryetari i shtetit i Kinës, Hu Jintao u takua përkatësisht në Santiago, kryeqytetin e Kilit, me kryeministren e Zejlandës së Re, Helen Elizabeth Clark, me kryetarin e shtetit të Vietnamit, Tran Duc Luong, me kryeministrin e Singaporit Lee Hsien Loong dhe me presidentin e Koresë së Jugut Roh Moo-Hyun.

Pas takimit midis kryetarit Hu Jintao dhe kryeministres Clark, të dyja palët shpallën se Kina dhe Zejlanda e Re do të fillojnë sa më parë bisedimet e marrëveshjes mbi tregtinë e lirë dypalëshe.

Gjatë takimit, Hu Jintao dhe Tran Duc Luong zhvilluan bisedime miqësore lidhur me marrëdhëniet dypalëshe, lidhur me Konferencën jozyrtare të Organizatës së Bashkëpunimit Ekonomik të Rajonit të Azisë dhe të Paqësorit që do të mbahet, dhe me probleme të tjera ndërkombëtare.

Gjatë takimit me kryeministrin Lee Hsien Loong, kryetari Hu Jintao admiron politikën e qeverisë së Singaporit për një Kinë dhe qëndrimin e saj kundër "pavarësisë së Tajvanit".

Gjatë takimit, kryetari Hu Jintao dhe presidenti Roh Moo-Hyun u shprehën që të punojnë bashkarisht për nxitjen e zhvillimit të vazhdueshëm të marrëdhënieve të partneritetit dhe të bashkëpunimit të plotë midis Kinës dhe Koresë së Jugut.(hai)