Sipas komunikatës, vizita shtetërore nga 8 deri më 12 tetor e presidentit francez Shirak në Kinë do të thellojë më tej marrëdhëniet e gjithanshme të partneritetit strategjik midis Kinës dhe Francës dhe do të forcojë marrëdhëniet ekonomike, industriale dhe teknologjike të dy vendeve, me rezltat ky që përputhet me marrëdhëniet e mira politike dypalëshe.

Siç thuhet në komunikatë, Kina dhe Franca do të vazhdojnë të vënë në zbatim deklaratën e përbashkët të marrëdhënieve të gjithanshme të partneritetit strategjik kino-francez të nënshkruar në janar të këtij viti. Pala franceze vuri të theksin pesë parimet e bashkëkzistencës paqësore të cilave u përmbahet pala kineze. Të dyja palët ranë dakord njëzëri të marrin një seri masash konkrete për nxitjen e ndërtimit të një bote më të sigurtë dhe më të bashkuar, ku respektohet më tej shumëllojshmëria.

Sipas komunikatës, të dyja vendet duan të vazhdojnë përpjekjet për nxitjen e zhvillimit të stabilizuar të marrëdhënieve Kino-evropiane dhe Azia-evropiane dhe për zhdukjen sa më parë të të gjitha pengesave në zhvillimin e marrëdhënieve kino-evropiane. Të dyja palët bënë thirrje për vazhdimin e bisedimeve mbi problemin bërthamor të gadishullit korean. Njëkohësisht, ato ritheksuan se duhet të forcohet roli i OKB-së në fushat ekonomiko-shoqërore.

Në komunikatë thuhet se qeveria franceze ritheksoi edhe tjeterë qëndrimin e saj mbi politikën e një Kine dhe për zgjidhjen paqësore të problemit të Tajvanit. (Çan Yean)