Sipas njoftimeve të Radios së Jashtme të Kinës, gjatë takimit më 14 shtator me kryeministrin e Shqipërisë Fatos Nano, kryetari i shtetit i Kinës Hu Jin Tao tha se, me rastin e 55-vjetorit të vendosjes së marrëdhënieve diplomatike midis dy vendeve, pala kineze dëshiron të zgjerojë pandërprerë fushën e bashkëpunimit dhe të shtojë përmbajtjet e bashkëpunimit në bazë të 5 parimeve të bashkekzistencës paqësore për t'i çuar marrëdhëniet e bashkëpunimit miqësor midis Kinës dhe Shqipërisë në një shkallë të re.

Hu Jin Tao vlerësoi aktivisht miqësinë tradicionale midis dy vendeve dhe zhvillimin e viteve të fundit të marrëdhënieve kino-shqiptare.

Fatos Nano është i mendimit se me përpjekjet e përbashkëta dypalëshe, qeveritë dhe popujt e të dy vendeve duhet të thellojnë pandërprerë mirëkuptimin reciprok, të vendosin dhe tl zhvillojnë miqësinë dhe bashkëpunimin, duke përgjithësuar përvojën historike. Ai tha se pala shqiptare pret të forcojë me palën kineze shkëmbimet dhe bashkëpunimin real në fushat politike, ekonomiko-tregtare, kulturore, arsimore etj. (Sihai)