Sipas njoftimeve të Radios së Jashtme të Kinës, më 21 qershor, mbahet në shtëpinë e pritjes Diao Y Tai në Pekin, mbledhja e 2-të e grupit të punës të bisedimeve 6 palëshe lidhur me problemin bërthamor të gadishullit korean. Ambasadori i Ministrisë së Punëve të Jashtme të Kinës për çështjet e gadishullit korean Nin Fu Kui ka kryesuar grupin e punës të palës kineze dhe ka drejtuar këtë mbledhje.

Koreja e Veriut, Japonia, Koreja e Jugut, Rusia dhe SHBA-ja kanë dërguar delegacionet e tyre në këtë mbledhje.

Në bazë të mbledhjes së parë të grupit të punës, kjo mbledhje do të vazhdojë diskutimet për zgjidhjen e problemit bërthamor të gadishullit korean dhe do të bëjë përgatitje për bisedimet 6 palëshe të rundit të 3-të, që do të zhvillohen më 23 qershor. Parashikohet se kjo mbledhje të përfundojë më 22 qershor.

Lista e anëtarëve të delegacionit të palës kineze që do të marrin pjesë në bisedimet 6 palëshe të rundit të 3-të është vendosur tashmë. Kryetari i delegacionit është zv-ministri i jashtëm kinez Van Yi dhe nënkryetari është ndihmësi i ministrit të jashtëm Shen Guo Fang. (Sihai)