Ditët e fundit, Drejtoria e Kulturës e Provincës Guizhou të Kinës Jugperëndimore u shpreh se sivjet është bërë kërkesë që kënga e kombësisë Tong dhe mënyra e prodhimit të rakisë kineze Mao-Tai nga kjo provincë të përfshihen në listën e Trashëgimisë Gojore dhe Jomateriale të Njerëzimit të UNESCO-s.

Kënga e kombësisë Tong këndohet pa drejtues, me harmoni natyrore. Në tetor të vitit 1985, kori civil i kësaj kënge nga provinca Guizhou u paraqit në Festivalin e Artit të Vjeshtës të Parisit.

Rakia kineze e distiluar është një nga 3 rakitë e distiluara botërore. Mënyra e prodhimit të saj ndryshon nga ajo e uiskit dhe brendit perëndimor. Ajo prodhohet me anë të fermentimit të drithërave, prandaj ka cilësi të veçantë alkoolike. Mënyra e prodhimit të rakisë kineze të distiluar ka një histori prej mbi 1000 vjetësh. (Shy Guan) (Artan)