Gojëdhëna mitologjike, që është përhapur prej disa mijëra vjetësh në gjirin e popullit kinez, e ka bërë popullin kinez të ketë më shumë ëndrra për Hënën. Në natën e Festës së Hënës, në atë hënë të argjendtë a ka bukuroshe Chang E bashkë me lepur si prej nefriti, siç na ka thënë gjyshja? A ka një dru dafine dhe Wu Gang që pret dru?

Prandaj, përveç shëtitjes nëpër hapësirën kozmike, kinezët ëndërrojnë edhe të shohin pamjen faktike të Hënës!

Lëshimi i suksesshëm i satelitit të parë për studimin e Hënës "Chang E nr. 1", i projektuar dhe i prodhuar nga vetë Kina, shënoi se Kina ka hedhur hapin e parë për realizimin e ëndrrës së saj mijëravjeçare për studimin dhe matjen e Hënës. Pastaj Kina ka në plan të realizojë në vitin 2012 uljen e anijes kozmike pa kozmonautë në Hënë dhe në vitin 2017 uljen e anijes kozmike me kozmonautë në Hënë.

Në fund të këtij plani me tre hapa, Kina do ta ndërtojë një stacion kozmik të tipit themeltar, përmasat e të cilit nuk do të kalojnë ato të anijes kozmike "Paqe" ose të stacionit kozmik ndërkombëtar që ekzistojnë tani. Ky stacion themeltar ndoshta do të përfshijë një kabinë themelore, një anije të transportimit të mallrave, një anije kozmike me kozmonautë dhe dy kabina të tjera për eksperimentime etj. Pesha e tij e përgjithshme do të jetë nën 100 tonë. Në kabinën themelore do të punojnë gjatë kozmonautët, që do të realizojnë lidhjen me kabinat e ndryshme eksperimentale, me anijen kozmike me kozmonautë dhe me anijen kozmike të transportimit të mallrave.