Hollësirat mishërojnë kujdesin humanitar

Gjatë Lojërave Paralimpike të Pekinit, Fshati Paralimpik ka pritur 7379 sportistë e funksionarë të 147 vendeve e rajoneve të ndryshme. Ndër ta 1736 përdorin karrocë invalidi. Në krahasim me Fshatin Olimpik të Pekinit, në Fshatin Paralimpik vëllimi i banorëve u përgjysmësua, por detyrat e pritjes nuk u pakësuan, as cilësia e shërbimeve nuk u ul sadopak. Sipas zv/drejtores së këtij fshati Deng Yaping, në krahasim me atë olimpik, Fshati Paralimpik u ka kushtuar më shumë rëndësi hollësirave dhe kujdesit humanitar.

Në anë të shërbimeve të banimit, në apartamentet e Fshatit Paralimpik u ul lartësia e të gjithë çelësave elektrikë dhe varëseve, sapunët u zëvendësuan nga lëngu larës. Duke pasur parasysh pavolinë e ombrellës për invalidët, u shtua edhe vëllimi i furnizimit me mushama.

Në shërbimet tregtare, kur punonjësit e dyqaneve u përgjigjen pyetjeve të klientëve në karrocë invalidi, ata qëndrojnë galiç për të biseduar paralelisht me klientët, që të shprehin respektin ndaj tyre.

Sa i përket ushqimit, që nga 2 shtatori nisi muaji i Ramazanit dhe mensa e sportistëve rregulloi në veçanti programin e furnizimit me ushqim për sportistët myslimanë.

Sinqeriteti ka prekur sportistët e vendeve të ndryshme

Në Fshatin Paralimpik u krijua në veçanti qendra e riparimit të krahëve artificialë dhe e karrocave të invalidit. Gjatë mbi 10 ditëve atje u pritën 1547 veta. Zv/drejtorja e Fshatit Paralimpik, zj. Deng Yaping, tregoi se një sportist çoi në qendër një karrocë invalidi shumë të vjetër dhe mjeshtrit nuk menduan se karroca ia vlente të riparohej. Mirëpo duke marrë parasysh gjendjen konkrete të sportistit, ata e riparuan karrocën për të. Përveç disa pjesëve shtojcë, ndryshuan pjesët kryesore dhe karroca u përtërit krejtësisht.

Punonjësit e apartamenteve të Fshatit Paralimpik vunë re se dy sportistë nga vendet në zhvillim përdornin shkopinj druri të zakonshëm si bastun dhe ecnin me vështirësi. Punonjësit blenë, me paratë e veta, dy çifte bastunësh për këta sportistë.

Në qendrën e larjes së rrobave, punonjësit lanë çdo ditë afro 3000 thasë rrobash. Punonjësit në këtë qendër përfshijnë vullnetarë studentë rreth 20 vjeç, që zakonisht bëjnë rrallë punë shtëpiake, dhe gjithashtu specialistë mbi 70?vjeçarë me përvojë të pasur. Këta punonjës, në 3 turne, punojnë 24 orë në ditë në dhomën në temperaturë mbi 30 gradë. Megjithëse nuk takohen kurrë me këta punonjës, rrobat e pastra dhe shërbimet e kujdesshme i kënaqin thellësisht sportistët.

Shërbimet e kujdesshme fitojnë vlerësimet e mysafirëve të huaj

Një atlet meksikan: "Gjithçka këtu është më e mirë se ç'e përfytyronim!"

Një qitës gjerman: "Njerëzit këtu janë mikpritës, gjë që të gëzon dhe të ngroh."

Kryetari i delegacionit paralimpik të Kirgizistanit u shpreh se ka marrë pjesë në 5 edicione paralimpike, por Fshati Paralimpik i Pekinit është më i miri.

Edhe kryetari i Komitetit Paralimpik Ndërkombëtar Filip Kraven vlerësoi Fshatin Paralimpik të Pekinit për shërbimet e kujdesshme, për instalimet e përsosura pa pengesë dhe për shenjat paralelisht në disa gjuhë. (Wang Lei) (Artan)