Dushan Dragoviçi është i vetmi sportist malazez që merr pjesë në Lojërat Paralimpike të Pekinit. Ndërkohë, ai ka një tjetër status në delegacionin e vendit të tij, sekretari i përgjithshëm i Komitetit Paralimpik të Malit të Zi.

Dushan Dragoviçi lindi më 1974 në një qytet bregdetar të Malit të Zi. Qysh nga fëmijëria, për kushtet e dalluara trupore, ai u zgjodh nga trajnerë të notit e të vaterpolos dhe zhvilloi stërvitje profesioniste. Ai ka edhe talent të madh në lundrimin detar dhe, pasi u diplomua në një shkollë të mesme lundrimi, u mor me lundrimin detar për një kohë të gjatë. Mirëpo, në një aksident trafiku në vitin 1999 ai humbi këmbën e majtë dhe kështu ëndrra e tij e lundrimit mori fund.

Për kapërcimin e pengesave psikologjike, atij iu deshën 7 vjet. Derisa në vitin 2006, ai vendosi të kthehej në pishinë dhe ftoi trajnerin e tij të parë të notit për të zhvilluar stërvitjen e notit 50 m dhe 100 m. Por ai kishte një ambicie më të madhe, që të krijonte komitetin paralimpik të Malit të Zi dhe të merrte pjesë në Paralimpiadën e Pekinit si përfaqësues i vendit të tij.

Më 13 maj 2007 u formua zyrtarisht Komiteti Paralimpik i Malit të Zi dhe Dushan Dragoviçi u zgjodh sekretar i përgjithshëm. Më 9 shkurt 2008 Komiteti Paralimpik i Malit të Zi u pranua në Komitetin Paralimpik Ndërkombëtar. Ndërkohë, edhe Dushani fitoi të vetmen të drejtë për pjesëmarrje në edicionin e Pekinit për vendin e tij.

Më 14 shtator 2008, Dushani, plot vetëbesim, qëndroi në pikënisjen e pishinës së "Kubit të Ujit", si përfaqësuesi i parë i Malit të Zi në Paralimpiadë. Për Dushanin, rezultati nuk është i rëndësishëm. Ashtu siç tha ai pas garës: "U realizua objektivi im. Mirupafshim pas 4 vjetëve në Londër." (Wang Lei) (Artan)