Në mbrëmjen e 17 shtatorit sipas orës së Pekinit kjo këngë oshtiu përsëri në stadiumin kombëtar të Pekinit "Foleja e Zogut", kështu u mbyll Paralimpiada e Pekinit e vitit 2008, që zgjati 11 ditë.

Gjatë 11 ditëve, mbi 4 mijë sportistë me aftësi të kufizuar fizike, të ardhur nga 147 vende e rajone të botës, nën temën kryesore: "Kapërcim, bashkim dhe gëzim i përbashkët" demonstruan fizionominë e tyre shpirtërore të vetëfuqizimit, të përpjekjeve të paepura, të dashurisë për jetën dhe të kalimit të vetvetes, gëzuan pasionin dhe harenë e lëvizjes sportive. Në të njëjtën kohë kjo paralimpiadë e ka bërë shpirtin e njerëzve normalë të përlarë e të moralizuar, i ka bërë të gjithë njerëzit të respektojnë dinjitetin e jetës dhe të lavdërojnë ndriçimin e karakterit të njeriut!

Në mbrëmjen e 17 shtatorit, me një ceremoni të ngrohtë mbylljeje, Pekini na ka bërë që të kujtojmë së bashku të 11 ditët e paharruara të kësaj Paralimpiade. Ndër to, shfaqjet artistike në këtë ceremoni, të përshkuara nga figura artistike me gjethet e kuqe të Malit Xiangshan, që përfaqësojnë panoramën e vjeshtës së Pekinit, u çuan miqve me aftësi të kufizuar fizike të mbarë botës urimet më të sinqerta të popullit kinez: "Vetëfuqizim i vazhdueshëm dhe korrje e lumturisë".

Në ceremoninë e mbylljes morën pjesë kryetari i shtetit i Kinës Hu Jintao, kryetari i Komitetit Paralimpik Ndërkombëtar Filip Kraven, kryetari i Komitetit Olimpik Ndërkombëtar Rog, si dhe mysafirë të tjerë të lartë nga afro 20 vende.