Në shkallët e Stadiumit Kombëtar të Kinës, "Folesë së Zogut", ka një grup shikuesish të tillë, që ndeshjet e garat me rivalitet të ashpër nuk mund t'i shikojnë me sy, por vetëm i dëgjojnë. E megjithatë, kjo nuk e pengon entuziazmin e tyre, sepse ata i "shikojnë" ndeshjet e garat me zemër. Këta shikues janë studentë nga Shkolla e të Verbërve e Pekinit.

Ma Yongchao është njëri prej tyre. Ai tha se megjithëse nuk sheh, ai përsëri mund të ndiejë konkurrimin e ashpër në gara nga thërritjet e brohoritjet e shikuesve të tjerë në stadium.

Pas verbimit si pasojë e sëmundjes, jeta e Ma Yongchao-s ndryshoi shumë. Mirëpo si një person i hapur dhe optimist, ai jo vetëm e pranoi këtë fakt, por edhe mban qëndrim pozitiv për goditjet në jetë. Ai mendon se çdo njeri është protagonisti i kësaj bote dhe duhet t'i shtojë ngjyra asaj.

Ma Yongchao tha se shpeshherë ai përfytyron pamjen e ndeshjeve e të garave nëpërmjet tingujve në terren dhe nëpërmjet këtyre ndeshjeve e garave ai mund të kuptojë shpirtin e paepur të sportistëve.

Ai tha se këta sportistë i arrijnë rezultatet e sotme në bazë të stërvitjeve të gjata dhe kanë paguar shumë për këtë. Shpirti i tyre e inkurajon atë të përballojë si duhet jetën në të ardhmen. (Wang Lei) (Artan)