Lojërat Paralimpike të Pekinit të vitit 2008 kanë hyrë në ditën e 9-të. Gjatë këtyre ditëve, sportistët paralimpikë kanë zhvilluar rivalitet të fortë dhe kanë shënuar rezultate të mira, duke fituar nder për vendin e tyre dhe për veten. Në vendet e ndeshjeve dhe garave të Lojërave Paralimpike të Pekinit sheh jo vetëm medalje të ndritshme, por edhe frymën e shkëlqyeshme të konkurrimit të barabartë dhe të luftës këmbëngulëse të sportistëve paralimpikë. Fryma dhe vullneti i tyre na kanë inkurajuar ne të gjithë, duke i treguar botës një të vërtetë: "E njëjta botë, e njëjta ëndërr"

Më 10 shtator, pingpongistja polake me një dorë Natalia Partyka iu afrua realizimit të plotë të ëndrrës së saj . Si një ndër sportistët e rrallë që ka marrë pjesë njëkohësisht në Lojërat Olimpike dhe Lojërat Paralimpike, ajo mundi pingponisten kineze në ndeshjet individuale të pingpongut F 10 për femra dhe fitoi titullin kampione. Në Lojërat Olimpike të Pekinit ajo dhe koleget e saj arritën rezultatet më të mira në historinë e pingpongut si ekip për femra. Në këtë verë në Pekin, Natalia nuk ka asnjë keqardhje. Por për të ardhmen, ajo ka objektiv më të lartë.

"Unë realizova vetëm një pjesë të ëndrrës sime, sepse unë mora pjesë vetëm në ndeshjet ekipore në Lojërat Olimpike dhe nuk pata mundësi të marr pjesë në ndeshjet e pingpongut si individ. Unë shpresoj që në Lojërat Olimpike të Londrës do të marr pjesë njëkohësisht në ndeshjet e pingongut edhe si individ, edhe si ekip. Atëherë do të them se kam realizuar ëndrrën time. Por atëherë do të kem dhe një ëndërr të re, d.m.th marrjen e medaljes në Lojërat Olimpike".