Lojërat Paralimpike të Pekinit janë në zhvillim e sipër, sportistët me aftësi të kufizuara fizike nga vendet e ndryshme të botës po konkurrojnë në disiplina të ndryshme sportive, edhe kryetari i Komitetit Paralimpik Ndërkombëtar, zoti Filip Kraven, shkon nëpër terrenet e ndryshme sportive të Pekinit, duke ndjekur me vëmendje zhvillimin e këtyre lojërave. Ditët e fundit zoti Kraven dha një intervistë për korrespondentin e radios sonë You Yu.

Në intervistë zoti Kraven e përshkroi ceremoninë e hapjes së Lojërave Paralimpike të Pekinit duke përdorur fjalët "Është e vështirë të besohet". Ai tha:

"Është e vështirë të besohen Lojërat Paralimpike të Pekinit, sidomos ceremonia e hapjes më ka befasuar e tronditur. Kalimi, bashkimi dhe gëzimi i përbashkët! Unë e kuptoj shumë lehtë temën kryesore për bashkimin dhe gëzimin e përbashkët. Por unë mendoja gjithnjë për fjalën 'kalim', a ka lidhje ajo me Lojërat Paralimpike? Kjo ceremoni e hapjes më ka treguar kuptimin e fjalës 'kalim'."

Për t'i organizuar me sukses Lojërat Olimpike dhe Lojërat Paralimpike, Pekini ka bërë shumë përpjekje në ndërtimin e infrastrukturës dhe në kalimin pa pengesë. Sipas mendimit të Kravenit, këto instalime dhe pallatet e stadiumet sportive i kanë arritur plotësisht, e madje i kanë kaluar, standardet e kërkuara nga Komiteti Paralimpik Ndërkombëtar.