dëgjoni

Të dashur dëgjues, në rubrikën e sotme "Aktualitet nga Kina", do të ndiqni shënimin me titull "Dita e zisë kombëtare tregon respektin e Kinës ndaj jetës."

Më 19 maj në orën 14 e 28 minita, ditën e shtatë pas tërmetit të madh të Wenchuanit, në mbarë Kinën makinat, trenat, alarmet anti-ajrore i ranë borive dhe sirenave. Liderët kinez Hu Jintao, Wu Banguo, Wen Jiabao etj bashkë me popullin e mbarë vendit qendruan 3 minuta në heshtje. Sipas vendimit të Këshillit të Shtetit të Kinës, nga 19 deri 21 maj janë ditë zie kombëtare për të shprehur hidhërimet e thella të popullit të kombësive të ndryshme të mbarë vendit për viktimat e tërmetit të madh që ra në Wenchuan të provincës Sichuan të Kinës jug-lindore. Kjo është hera e parë në histori që Kina vendosi ditë zie kombëtare për personat e vdekur gjatë fatkeqësisë natyrore dhe kjo ka treguar respektin e Kinës ndaj jetës dhe është mishërim i rëndësishëm i mendimit të qeverisë kineze "njeriu në vendin e parë".

Gjatë tre ditëve të zisë kombëtare, në mbarë Kinën dhe në institucionet e ndryshme të Kinës jashtë vendit flamuri do të ngrihet në gjysëm shtizë në shenjë hidhërimi. Ministria e Jashtme e Kinës dhe ambasadat e Kinës jashtë vendit kanë vendosur fletore përkujtimore. Gjatë këtyre ditëve, në mbarë vendin janë ndaluar të gjitha aktivitetet dëfryese publike dhe është ndaluar për 3 ditë stafeta e pishtarit të zjarrit të shenjtë të Lojërave Olimpike të Pekinit.

Ky vendim është bërë sipas "ligjit mbi flamurin kombëtar të RP të Kinës" të miratuar në vitin 1990.

Ulja e flamurit kombëtar në gjysëm shtizë për viktimat gjatë tërmetit të madh që ra në Wenchuan të provincës Sichuan të Kinës jug-lindore, është hera e parë në histori.

Në fakt, respekti ndaj jetës dhe "njeriu në vendin e parë" janë mishëruar në tërë procesin e punëve shpëtimtare të Kinës kundër tërmetit.

"Ne e dimë se ju jeni prekur nga fatkeqësia. Disa prej jush kanë humbur të afërm. Ne jemi të hidhëruar si ju. Tani, ne kemi dërguar 100 mijë ushtarë të Ushtrisë Clirimtare Popullore Kineze dhe Forca të Armatosura Policore, të cilët kanë shkuar në cdo fshat dhe cdo lokalitet për të shpëtuar të mbijetuar. Po të ketë një fije shprese, ne do të bëjmë të gjitha përpjekjet."

Zëri që dëgjuat është një fjalim që dha më 18 maj kryetari i shtetit i Kinës Hu Jintao në një pikë banimi të banorëve të prekur nga tërmeti në qytetin Shifang. Fjala "Po të ketë një fijë shprese, ne do të bëjmë të gjitha përpjekjet" është shprehur shpesh gjatë tërë procesit të punëve shpëtimtare kundër tërmetit. Pasi ra tërmeti i madh në Wenchuan të provincës Sichuan, qeveria kineze e ka vënë shpëtimin e jetës në vendin e parë. Ky është respekti i madh ndaj jetës.

Më 17 maj, kryeministri kinez Wen Jiabao drejtoi në Pekin mbledhjen e Komandës së përgjithshme kundër tërmetit pranë Këshillit të Shtetit të Kinës. Ndër të tjera ai theksoi edhe një herë se duhet të ngulim këmbë në "njeriu në vendin e parë" dhe ta vëmë në vendin e parë mbrojtjen e jetës së popullit. Veprimet e qeverisë kineze gjatë punëve shpëtimtare kundër tërmetit, kanë treguar njohjen e Kinës për të drejtat e njeriut dhe kanë treguar respektin e Kinës ndaj jetës. (Du)(Klajd)