dëgjoni

Më 12 maj ra një tërmet i fuqishëm në provincën Sichuan të Kinës, duke shkaktuar njerëz të vdekur e të plagosur dhe humbje materiale. Pasi ra tërmeti, nën udhëheqjen e qeverisë kineze, populli kinez ka bërë përpjekjet më të mëdha për të zhvilluar sa më parë punët e shpëtimit. Kjo është vlerësuar lart nga Zyra e bashkërendimit të çështjeve humanitare e OKB-së, Organizata Botërore e Shëndetësisë, Organizata ndërkombëtare e strategjisë së pakësimit të fatkeqësive e OKB-së etj. Tani do të ndiqni njoftimin e korrespondentit të radios sonë nga Zvicra.

Zëdhënësja e Zyrës së bashkërendimit të çështjeve humanitare të OKB-së, znj. Byrs, shprehu simpatinë e thellë për Kinën e prekur nga fatkeqësia e madhe. Duke folur me korrespondentin për situatën në të cilën ndodhen më shumë se 1 mijë nxënës në ndërtesat e rrëzuara në zonat e prekura nga fatkeqësia në Sichuan, kjo nënë kishte lot në sy. Ajo tha:

"Jam e mendimit se qeveria kineze ka bërë përpjekjet më të mëdha për t'u ofruar gjëra të ndryshme jetese banorëve të prekur nga fatkeqësia. Jam e bindur se me thellimin e zhvillimit të shpëtimit, do të shpëtojnë më shumë të mbijetuar."

Pas rënies së tërmetit, qeveria kineze u përgjigj në mënyrën më të shpejtë dhe hodhi parullën "Koha është jetë". Kryeministri Wen Jiabao ka drejtuar punët në vendin e shpëtimit. Kjo i la përshtypje të thellë drejtorit të Sekretariatit të Strategjisë Ndërkombëtare për Pakësimin e Fatkeqësive të OKB-së Briceno.

"Shpejtësia e përgjigjes së qeverisë kineze ndaj fatkeqësisë është befasuese. Kam parë që 4 orë pasi ra tërmeti, personat e shpëtimit u ndodhën në skenën e fatkeqësisë. Trajtimi urgjent nga qeveria kineze i fatkeqësisë është i mirë."

Tani për arsye të motit dhe situatës së keqe të rrugëve, punët e shpëtimit kanë shumë vështirësi. Kur korrespondenti e pyeti zëdhënësen e Organizatës Botërore të Shëndetësisë, znj. Chaib, nëse ka besim apo jo ajo në punët e shpëtimit, përgjigjja e saj ishte pozitive.

"Pa dyshim kam besim. Kina e tanishme është një vend i madh që ka shumë përvojë në shpëtim dhe shumë specialistë në këtë fushë. Jam i mendimit se Kina ka aftësi të trajtojë mirë punët e shpëtimit."

Këto organizata të OKB-së u shprehën se dëshirojnë të ofrojnë ndihmë për Kinën.

Tërmeti në Sichuan ka shkaktuar vdekjen e mbi 10 mijë vetave. Për këtë fatkeqësi, a ka mënyrë parandalimi? Drejtuesi i Strategjisë së OKB-së për Pakësimin e Fatkeqësive Briceno tha se lidhur me tërmetet, njerëzit nuk kanë shumë mundësi.

Ai u shpreh:

"Parashikimi i tërmetit është i vështirë, sepse ai bie papritur. Megjithëse vendet si Kina kanë metoda të zhvilluara, tani mund të parashikojnë vetëm disa minuta para ndodhjes së tërmetit. Por këto disa minuta s'mund të luajnë rol."

Por njëkohësisht, Briceno vuri në dukje se fakti që s'mund të parashikohet tërmeti nuk do të thotë që njerëzit nuk kanë asnjë metodë. Në këtë fushë duhet t'i kushtohet rëndësi aftësisë së ndërtesave në përballimin e tërmetit. Ai tha

"Në fushën e parandalimit të dëmeve të tërmetit, qeveria kineze ka bërë shumë punë. P. sh., në qytetin Tangshan, në të cilin ra tërmet, aftësia kundër tërmetit e ndërtesave është e mirë pas rindërtimit. Përvojat në këtë fushë mund të përhapen në qytete të ndryshme të Kinës." (Çang Çuo) (Artan)