dëgjoni

Më 6 maj, kryetari i shtetit i Kinës Hu Jintao që sapo arriti në Japoni për vizitë shtetërore u takua me shumë miq japonezë. Në atmosferën miqësore, të dyja palët shkëmbyen mendime për zhvillimin e kaluar, të sotëm dhe të ardhshëm të marrëdhënieve kino-japoneze.

Gjatë takimit me pasardhës dhe të afërm të brezave të vjetër japonezë që zhvilluan marrëdhëniet kino-japoneze dhe me miq japonezë që po bëjnë përpjekje të palodhshme për çështjen e miqësisë dypalëshe, Hu Jintao u shpreh se qeveria dhe populli kinez nuk do t'i harrojnë kurrë këta miq të vjetër:

"Gjendja e sotme e marrëdhënieve kino-japoneze nuk mund të ndahet nga përpjekjet e politikanëve të brezave të vjetër japonezë. Populli kinez do të mbajë mend përgjithmonë kontributin e tyre për çështjen e miqësisë kino-japoneze."

Edhe e bija e ish-kryeministrit japonez Tanaka Kakuei që realizoi normalizimin e marrëdhënieve kino-japoneze Tanaka Makiko është një politikane. Ajo tha:

"Familja ime i kushton shumë rëndësi Kinës. Megjithëse në marrëdhëniet dypalëshe ekzistojnë disa vështirësi, unë dëshiroj të luaj rolin tim personal dhe të bëj përpjekje aktive për të nxitur zhvillimin e marrëdhënieve dypalëshe. Nëse babai do të ishte ende gjallë, ai do të dëshironte shumë të shihte zhvillimin e Lojërave Olimpike në Pekin. Unë uroj që Lojërat Olimpike të Pekinit të kenë sukses të plotë."

Krahas politikanëve, edhe shumë persona popullor kanë nxitur zhvillimin e marrëdhënieve kino-japoneze. Para normalizimit të marrëdhënieve kino-japoneze, Saionnji Kinkazu punonte dhe jetonte në Kinë për 12 vjet dhe quhej "ambasadori popullor i Japonisë në Kinë". Në vitin 1954, Rtsunomiya Tokama vizitoi Kinën dhe bëri shumë punë për arritjen e traktatit tregtar kino-japonez. Gjatë takimit me pasardhës të këtyre miqve të vjetër, Hu Jintao tha:

"Unë ju falënderoj shumë për punët e vazhdueshme për çështjen e miqësisë kino-japoneze."

Biri i Rtsunomiya Tokomas Rtsunomiya Kyozo u shpreh:

"Ndjenjat miqësore midis popujve të të dy vendeve kanë nxitur zhvillimin e marrëdhënieve japono-kineze. Jam i bindur se vizita e kryetarit Hu Jintao në Japoni do të forcojë më tej ndjenjat miqësore midis dy popujve."

Këngëtarja e famshme japoneze Seri Yoko quhet "ambasadorja e muzikës". Ajo tha:

"Në vitin 1984 unë vizitova Kinën. Muzika nuk ka kufij shtetërore, shpresoj që më shumë të rinj të marrin pjesë në shkëmbimet muzikore e kulturore midis dy vendeve."

Gjatë takimit, Hu Jintao hartoi perspektivën e bukur të marrëdhënieve kino-japoneze:

"Tani marrëdhëniet kino-japoneze gjenden në pikënisjen e re historike dhe përballen me rastin e ri të zhvillimit. Qëllimi i vizitës sime është që të krijohet pamja e re e marrëdhënieve strategjike kino-japoneze me leverdi reciproke." (Fani)