dëgjoni

Më 20 prill në Kinë, 31 provincat, rajonet autonome dhe qytetet nën udhëheqjen direkte nga qeveria qendrore kineze zhvilluan shkatërrimin në përmasa më të mëdha ndaj botimeve që shkelin të drejtat e pronësisë intelektuale, atyre piraterike dhe të paligjshme. Ky aksion kundër piraterisë është në përmasat më të mëdha në historinë e Kinës. Drejtori i Drejtorisë së Përgjithshme të Shtypit dhe Botimeve të Kinës Liu Binjie, që është edhe drejtori i Drejtorisë Shtetërore të të Drejtave të Autorit të Kinës u shpreh se aksioni i kësaj here tregon arritjet e Kinës në luftën kundër shkeljes së të drejtave të autorit, piraterisë dhe botimeve të paligjshme dhe tregon vendosmërinë dhe qëndrimin këmbëngulës të qeverisë kineze për mbrojtjen e të drejtave të pronësisë intelektuale.

Ky aksion i zhvilluar më 20 prill është me përmasat më të mëdha në histori, gjatë të cilit u shkatërruan gjithsej 4700 produkte të tilla me një vlerë prej mbi 500 milionë juanësh. Në Pekin, numri i produkteve të shkatërruara arriti në 2 milionë dhe në këtë aksion, morën pjesë përgjegjësit e 22 ministrive të Kinës, duke përfshirë drejtorin e Drejtorisë së Përgjithshme të Shtypit dhe Botimeve të Kinës, Liu Binjie. Ai tha në pikën e posaçme të shkatërrimit: "Nëpërmjet aksionit të sotëm, shpresojmë që t'i tregojmë më tej botës se qeveria kineze do të mbajë lart flamurin për mbrojtjen e të drejtave të pronësisë intelektuale, do të luftojë me vendosmëri kundër piraterisë dhe shkeljeve të të drejtave të pronësisë intelektuale dhe do të japë shërbime të duhura për ndërtimin e një shteti të risisë."

Liu Binjie tha se qeveria kineze gjithmonë i kushton rëndësi të madhe mbrojtjes së të drejtave të pronësisë intelektuale. Tani në përgjithësi, Kina ka ndërtuar një sistem të plotë ligjor lidhur me të drejtat e pronësisë intelektuale që përputhet me normat ndërkombëtare. Për mbikëqyrjen efikase, janë vendosur në 50 qytete të mëdha e të mesme qendra të denoncimeve lidhur me të drejtat e pronësisë intelektuale. Para disa ditësh, Këshilli i Shtetit i Kinës miratoi parimisht "Programin Strategjik Shtetëror të të Drejtave të Pronësisë Intelektuale" dhe bëri planifikimin e mëtejshëm mbi mbrojtjen e të drejtave të pronësisë intelektuale. Kështu, strategjia e Kinës e të drejtave të pronësisë intelektuale do të futet zyrtarisht në fazën e zbatimit.

Krahas këtyre, sipas të dhënave statistikore, gjatë 20 vjetëve të fundit, Kina zbuloi mbi 400 mijë raste lidhur të drejtat e pronësisë intelektuale dhe 238 linja të paligjshme për prodhimin e disqeve, duke sekuestruar mbi 1.3 miliardë produkte që shkelin të drejtat e pronësisë intelektuale ose produkte të paligjshme piraterike.

Në pikën e shkatërrimit të botimeve të paligjshme piraterike, u zhvillua edhe aksioni i propozimeve kundër piraterisë të nxënësve të shkollave të mesme dhe 9 vjeçare. Nxënësja Zhao Yujiao tha: "Në emër të nxënësve të qytetit të Pekinit, unë u propozoj të gjithë nxënësve të Kinës të respektojnë të drejtat e pronësisë intelektuale dhe të mbajnë një qëndrim të vendosur kundër piraterisë, pro botimeve të ligjshme dhe të mbrojnë të drejtat e pronësisë intelektuale."

Megjithëse ka pasur arritje të mëdha, Kina akoma përballet me vështirësi të shumta. Liu Binjie u shpreh se në të ardhmen, detyra e Kinës kundër piraterisë dhe në mbrojtje të drejtave të pronësisë inteleltuale është e vështirë. Ai tha: "Kohët e fundit, disa përgjegjës të linjave të paligjshme kanë dalë jashtë Kinës dhe ata vazhdojnë të prodhojnë me identitetin e tregtarëve të huaj produkte piraterike që shkelin të drejtat e pronësisë intelektuale. Kjo tregon se kemi akoma një detyrë të vështirë kundër piraterisë. Shpresojmë që organet përkatëse, policët dhe masat popullore të zbatojnë me seriozitet të gjitha ligjet mbi mbrojtjen e të drejtave të pronësisë intelektuale, të krijojnë bashkë një ambient të mirë të prodhimit intelektual dhe të japin kontribut të ri në rritjen e forcës së risisë në Kinë." (Jiang Lei)