dëgjoni

Para ditës botërore të të drejtave të pronësisë intelektuale, një njoftim mbi konfiskimin e një çante fallco të një turisti kinez, që u bë në Evropë, ka ndezur një diskutim të paparë në Kinë. Megjithëse disa kineze janë të mendimit se masa evropiane e konfiskimit ishte diçka më tepër se serioze, shumica dërrmuese e tyre shprehën mirëkuptim për këtë. Kjo gjë tregon se koncepti i publikut kinez për mbrojtjen e të drejtave të pronësisë intelektuale është bërë gjithnjë e më i plotë. Funksionari kinez tha se me përpjekjet e vazhdueshme disavjeçare të qeverisë, mjedisi kinez i mbrojtjes së të drejtave po përmirësohet gradualisht.

Ditët e fundit, disa media njoftuan se gjatë vizitës së një turisti nga Shangai në Francë, dogana franceze konfiskoi çantën e tij me markë të rreme Adidas, dhe kjo gjë që ka bërë të shpërthejnë diskutimet e kinezëve.

Gjatë rrugëve të Pekinit, gazetari intervistoi disa qytetarë. Disa prej tyre ishin pro dhe disa kundër.

"Shumica dërrmuese e tyre shprehën mendimin se metoda e ndjekur nga dogana e Francës është e pranueshme, por nuk duhet të ishte aq brutale. Ndërkohë disa njerëz janë të mendimit se konfiskimi është një gjë e mirë, pasi kështu mund të forcohet koncepti i njerëzve për mbrojtjen e të drejtave të pronësisë intelektuale dhe mund të sigurohet edhe mbrojtja e vetëmarkave kineze.

Nga ana tjetër, duhet që fillimisht publiku kinez të kuptojë rëndësinë e mbrojtjes së të drejtave të pronësisë intelektuale dhe pastaj t'i mbrojnë me ndërgjegje të drejtat e pronësisë intelektuale.

Funksionari kinez është i mendimit se ky ndryshim në konceptin e masave ka ardhur si rezultati i propagandës afatgjatë të sektorëve dhe të institucioneve përkatëse të Kinës për mbrojtjen e të drejtave të pronësisë intelektuale. Më 26 prill, në Forumin e nivelit të lartë të Kinës për mbrojtjen e të drejtave të pronësisë intelektuale, që u organizua në Pekin, nënkryetari i komitetit të përhershëm të Asamblesë Kombëtare Popullore të Kinës, z. Xu Jialu tha: "Për të njohur rëndësinë e të drejtave të pronësisë intelektuale dhe për t'u kushtuar rëndësi krijimit dhe mbrojtjes së të drejtave të pronësisë intelektuale, ne kemi zhvilluar shumë punë edukuese përgatitore për mbrojtjen e të drejtave të pronësisë intelektuale. Sidomos, gjatë 2 vjetëve të fundit, në propagandën publike të zhvilluar gjatë një jave para ose pas ditës botërore të mbrojtjes së të drejtave të pronësisë intelektuale, hapësirat e saj kanë qenë të papara në botë. Propaganda e vazhdueshme ka bërë që të forcohet në mënyrë të vazhdueshme koncepti mbi të drejtat e pronësisë intelektuale i funksionarëve qeveritarë dhe i mbarë publikut.

Përveç krijimit të mjedisit të mirë shoqëror për mbrojtjen e të drejtave të pronësisë intelektuale, Kina ka krijuar edhe një mjedis relativisht të përmirësuar të legjislacionit mbi të drejtat e pronësisë intelektuale. Institucionet ligjvënëse të Kinës kanë hartuar ligjet përkatëse, si "Ligji i markës", "Ligji i patentës" etj. Këshilli i Shtetit i Kinës publikoi 16 konventa administrative dhe rregullat e nxjerra nga disa sektorë të mbrojtjes së të drejtave të pronësisë intelektuale. Tashmë mund të thuhet se Kina e ka krijuar sistemin e përmirësuar ligjor të mbrojtjes së të drejtave të pronësisë intelektuale.

Më 26 prill, një funksionar amerikan, z. Chris Israel tha në Pekin se SHBA-ja dhe vendet e tjera perëndimore vlerësojnë përpjekjet e Kinës në fushën e mbrojtjes së të drejtave të pronësisë intelektuale. Ai vuri në dukje gjithashtu se Kina është forca kryesore nxitëse për rritjen e ekonomisë botërore që ka hartuar strategjinë e zhvillimit të krijimit autonom. Prandaj, në kuadrin botëror për mbrojtjen e të drejtave të pronësisë intelektuale, Kina dhe vende të tjera kanë interesa të përbashkëta dhe në të ardhmen, do të kenë përgjegjësi edhe më të mëdha. (Sihai)