dëgjoni 

Nga 28 shkurti deri më 1 mars u mbajt në Pekin mbledhja kombëtare e punës për mbrojtjen e të drejtave të autorit të Kinës. Mbi 100 përfaqësues të sektorëve të administrimit për mbrojtjen e të drejtave të autorit të krahinave të ndryshme dhe të sektorëve të tjerë të legjislacionit diskutuan bashkërisht për forcimin e mbrojtjes së të drejtave të autorit. Gjatë mbledhjes, gazetari vuri re se edhe disa tregtarë shisnin në mënyrë të paligjshme vidio disqe pirate buzë rrugëve.

Kjo dukuri tregon se Kina ndodhet në një gjendje kritike në mbrojtjen e të drejtave të autorit. Duke folur për këtë, drejtori i Drejtorisë shtetërore për mbrojtjen e të drejtave të autorit të Kinës Long Xinmin theksoi se Kina do të forcojë zbatimin e ligjit për mbrojtjen e të drejtave të autorit dhe për bashkëpunimin ndërkombëtar në këtë fushë.

Qysh nga gushti i vitit 2004, Kina ka zhvilluar veprime të posaçme për mbrojtjen e të drejtave tëautorit, zbuloi 172 çështje të ndërhyrjes në të drejtat e autorit në internet dhe mbylli 76 adresa që marrin pjesë në aktivitetet e softeve pirate. Duke forcuar zbatimin e ligjeve, Kina ka shpejtuar krijimin e sistemit të ligjeve për mbrojtjen e të drejtave të autorit.

Këtë vit, Kina planifikon të zhvillojë kontrollin për zbatimin e ligjit në prodhimin e produkteve audio-vizive, të softeve dhe në fushën e mediave. Duke folur për detyrën kryesore të punës për mbrojtjen e të drejtave të autorit të Kinës gjatë këtij viti, drejtori i kësaj drejtorie Long Xinmin tha: "Detyra kryesore e zbatimit të ligjeve gjatë këtij viti për mbrojtjen e të drejtave të autorit do të jetë goditje e mëtejshme kundër ndërhyrjes në të drejtat e autorit në internet për të përmirësuar pandërprerë mjedisin e mbrojtjes së të drejtave të autorit në fushën e instalimit të internetit dhe të softeve. Do të nxiten ndërmarrjet në përdorimin e dofteve të ligjshme etj.

Siç mësohet, qysh nga janari i këtij viti, krahinat e ndryshme të Kinës kanë zhvilluar veprimin e pastrimit dhe të rregullimit për ndërmarrjet që kopjojnë vidio disqe.

Për të krijuar mjedisin e mirë të zhvillimit të industrisë së softeve, këtë vit, Kina do të vazhdojë nxitjen e punës së softeve të ligjshme. Tani, sektorët dërrmues të administratave të mbi niveleve të qyteteve të Kinës kanë përdorur softe të ligjshme. Qeveria kineze premtoi se do të kryhet puna e popullarizimit të përdorimit të softeve të ligjshme në ndërmarrjet e mëdha, të cilat përfshijnë ndërmarrjet shtetërore, ndërmarrjet e mëdha me investime të huaja dhe ndërmarrjet private. Popullarizimi i softeve të ligjshme në Kinë është një vepër e ndërlikuar. Për të nxitur shitjen e produkteve të ligjshme. Administrata e Pekinit ka krijuar sistemin e "sektorëve sherbyes të shitjes së produkteve të ligjshme" për të inkurajuar tregtarët e shitjes me pakicë kundër shitjes së produkteve pirate. Zv/drejtori i Drejtorisë për mbrojtjen e të drejtave të autorit të Pekinit Wang Yiefei tha: "Ne po popullarizojmë punën e dyqaneve shërbyese të shitjes së produkteve të ligjshme. Në Pekin u zgjodhën gjithsej 72 dyqynet shërbyese. Qëllimi ynë është krijimi i kanalit të drejtë të qarkullimit të produkteve të ligjshme dhe zvogëlimi i hapësirës së jetës së tregtarëve të paligjshëm.

Mbrojtja e të drejtave të autorit nuk mund të ndahet me bashkëpunimin ndërkombëtar. Në Kinë, sektorët përkatës po përpiqen për forcimin e lidhjeve dhe të kontakteve me njerëzit që kanë të drejtat e autorit. (Sihai)