Që nga gjashtëmuori i dytë i këtij viti, në krahinat e ndryshme kineze, janë formuar njëra pas tjetrës qendra të ankimit për mbrojtjen e të drejtave të pronësisë intelektuale për të forcuar mbrojtjen e të drejtave të pronësisë intelektuale. Tani në Kinë, funksionojnë 35 qendra ankimi. Një funksionar i Ministrisë së Tregtisë të Kinës i tha korrespondentit të radios sonë se deri në fund të këtij muaji, do të formohen edhe 15 qendra të tjera ankimi për mbrojtjen e të drejtave të pronësisë intelektuale dhe numri i përgjithshëm i këtyre qendrave do të jetë 50.

Ashtu si në shumicën e vendeve të botës, edhe në Kinë disa dikastere qeveritare përgjigjen bashkarisht për mbrojtjen e të drejtave të pronësisë intelektuale. Tani, në shumë sektorë janë vendosur qednra të ankimit dhe telefona për ankim. Por këto qendra ose telefona janë kundrejt vetëm një të drejtës së pronësisë intelektuale si e drejta e autorit, e drejta e markës etj, dhe ato nuk janë komplekse dhe të përgjithshme.

Zoti Zhao Huaiyong drejtor i Drejtorisë së të drejtave të pronësisë intelektuale të Zyrës së rregullimit të rendit të ekonomisë së tregut pranë Ministrisë së Tregtisë së Kinës, vuri në dukje se ato qendra të ankimit për mbrojtjen e të drejtave të pronësisë intelektuale që janë formuar kohët e fundit në krahina të ndryshme kineze, do të zgjidhin këtë problem. Ndër të tjera ai tha :

"Qendra e ankimit nuk është një sektor administrativ, por është vetëm një organ shërbyes, e cila formon një dritare shërbyese komplekse ankimore midis qeverisë dhe pronësisë intelektuale.

Punët kryesore të këtyre qendrave të ankimit për mbrojtjen e të drejtave të pronësisë intelektuale janë kryesisht këto : pranojnë ankime dhe raportime nga e gjithë shoqëria mbi shkeljen e të drejtave të pronësisë intelektuale; u paraqitin konsultime shtetasve dhe autorëve dhe i njohin ata me ligjet dhe rregulloret përkatëse mbi mbrojtjen e të drejtave të pronësisë intelektuale, mënyrën e ndihmës ligjore, sistemin administrativ dhe u paraqitin të dhënat përkatëse organeve ligjore.

Tani, këto qendra ankimi për mbrojtjen e të drejtave të pronësisë intelektuale të krahinave të ndryshme kineze po punojnë normalisht. Shtetasit dhe autorët kanë bërë ankesa dhe raportime mbi të drejtat e pronësisë intelektuale nëpërmjet telefonave dhe internetit. Sipas të dhënave statistikore jo të plota, këto qendra kanë marrë mbi 1900 ankesë dhe raporte lidhur me mbrojtjen e të drejtave të pronësisë intelektuale. Ato u dhanë këto ankesa organeve ligjore dhe disa prej tyre janë zgjidhur në mënyrë ligjore.

Zoti Zhao Huaiyong tha se deri në fund të gushtit të këtij viti, në Kinë do të formohen edhe 15 qendra të tilla dhe numri i përgjithshëm i tyre do të arrijë në 50. Në atë kohë, do të ketë qendër të tillë në cdo provincë dhe në cdo rajon autonom. Ai u shpreh se këto 50 qendra të ankimit për mbrojtjen e të drejtave të pronësisë intelektuale do të formojnë një rrjet kombëtar të ankimit për mbrojtjen e të drejtave të pronësisë intelektuale. Ai tha :

" Më vonë, këto 50 qendra ankimi do të formojnë një rrjet kombëtar të ankimit dhe të raportimit. Këto 50 qendra do të lidhen njëra me tjetrën nëpërmjet internetit.

Në të ardhmen, dikasteret përkatëse administrative të niveleve të ndryshme të Kinës do të njohin gjendjen e rasteve të shkeljes së të drejtave të pronësisë intelektuale nëpërmjet këtij rrjeti dhe pastaj ato do të nxitin sektorët përkatës të trajtojnë këto raste në mënyrë ligjore. Formimi i këtyre qendrave të ankimit për mbrojtjen e të drejtave të pronësisë intelektuale ka treguar vendosmërinë e Kinës për forcimin e mbrojtjes së të drejtave të pronësisë intelektuale. (Du)