dëgjoni

Sot do të shkojmë në një tjetër qytet bashkërendues të Lojërave Olimpike të Pekinit, Hong-Kong. Në vitet `50 të shekullit të kaluar, në Lojërat Olimpike të Melburnit, për shkak të karantinës, garat e hipizmit u zhvilluan në Suedi. Për të njejtën arsye, në korrik të vitit 2005, Komiteti Olimpik Ndërkombëtar vendosi në Singapor se garat e hipizmit të Lojërave Olimpike të Pekinit do të zhvillohen në Hong-Kong.

Hong-Kongu është një qytet me traditë të lashtë të hipizmit dhe ka organizatorë me përvojë të pasur në këtë sport. Mirëpo, të përgatitet brenda 3 vjetëve për garat olimpike të hipizmit, është prapësëprapë një sfidë jo e vogël për Hong-Kongun. Klubi i Kalorësve i Hong-Kongut, me histori të gjatë, mori përsipër detyrën e mbikëqyrjes së ndërtimit të fushës së hipizmit. Gjatë dy vjetëve, Klubi i Kalorësve i Hong-Kongut investoi mbi 800 milionë dollarë hongkongasë në riparimin e Fushës Shatian dhe në ndërtimin e Fushës Fenling. Në gusht të vitit 2007, në këto dy fusha të përuruara u organizuan gara eksperimentale të hipizmit. Kushtet e mira të këtyre fushave u vlerësuan lartë nga kryetari i Komitetit Olimpik Ndërkombëtar Zhak Roge, që e inspektoi këtë garë.

Në fushat e Klubit të Kalorësve të Hong-Kongut ka instalime shumë të përparuara dhe të përsosura. Kontrolluesi i përgjithshëm i këtij klubi për punën e zhvillimit, z. Kim K. Mak i tha korrespondentit të radios sonë:

"Në fushat tona ka mbi 200 ahure me kondicioner. Pajitohen edhe me poliklinikën e kuajve si dhe mbi 10 fusha stërvitjeje. "

Mësohet se në Fushën Shatian do të zhvillohen garat e stërvitjes dhe garat me pengesë, ndërsa në Fushën Fenling do të zhvillohen garat e hipizmit. Fusha e hipizmit Shatian, në përmasën e madhe, përfshin një fushë kryesore që mund të mbajë 18 mijë shikues, 13 fusha stërvitjeje, 270 ahure me kondicioner si dhe spitalin më të përparuar në botë të kuajve.

Tani këto dy fusha të hipizmit funksionojnë nën kontrollin e Kompanisë së Hipizmit Olimpik të Hong-Kongut. Administratori i parë i kësaj kompanie, z. Lin Huanguang mendon se garat e hipizmit janë disiplina sportive më e ndërlikuar ndër 28 disiplinat olimpike.

Z. Lin u shrpeh se garat e hipizmit kanë të bëjnë jo vetëm me njerëz, por edhe me kuaj, gjë që ka sjellë shumë telashe për punët organizative. Që nga krijimi i kësaj kompanie, mbi 80 punonjës të saj punojnë mbi 12 orë në ditë dhe 6 ditë në javë. Përgjegjësit kryesor fluturonin shpesh midis Hong-Kongut dhe Pekinit për t'u konsultuar me organizata e shoqata të ndryshme. Zotit Lin, që ka përvojë të pasur në organizimin e aktiviteteve të mëdha në administratën e rajonit të posaçëm të Hong-Kongut, nuk i doli ndër mend në fillim që kjo punë është aq sfiduese. Mirëpo, kur të gjitha janë futur në binarin normal, ai ndieu edhe kënaqësi të pa shijuar në të kaluarën.

Ndonjëri u shqetësua se në Hong-Kong, që është larg Pekinit në distancë, do të mungojnë atmosfera dhe vëmendja për garat olimpike të hipizmit. Për këtë, z. Lin Huanguang shprehu mendimin e vet.

"Kemi marrë shumë pyetje për këto gara, si të shiten bileta dhe sa bileta kemi, etj. Mendoj se pavarësisht në Hong-Kong apo në Pekin, ose në qytete në tjera si Shangai, Guangzhou etj., banorët tregojnë interesim jo të vogël për këtë. Njëkohësisht, hipizmi preferohet shumë edhe në Evropë, në SHBA-në dhe në Australi, prandaj parashikojmë se nuk do të mungojnë edhe turistë të huaj. Pas shikimit të hipizmit në Hong-Kong, turistët mund të shkojnë edhe në Pekin për të parë disiplinat e tjera."

Krahas kushteve të mira dhe punëve organizative të duhura gjatë garave eksperimentale, më e rëndësishmja është entuziazmi i shikuesve vendor të Hong-Kongut për garat olimpike të hipizmit. Sigurisht, Hong-Kongu është i gatshëm për garat olimpike të hipizmit dhe hongkongasit tregojnë sinqeritetin që të ftojnë miq në mbarë botën të vizitojnë Hongk-Kongun në verë të vitit 2008, për të ndjerë nga afër forcën tërheqëse të Olimpiadës dhe të kulturës kineze. Zeng Chongji është vullnetar i hipizmit olimpik. Në emër të kolegëve të tij, ai u dha "ftesë" miqve nga vende e rajone të ndryshme:

"Përshëndetje! Jam vullnetar i Kompanisë së Hipizmit Olimpik të Hong-Kongut. Ju ftoj me sinqeritet të vini në Hong-Kong për të parë garat e hipizmit, të ndjeni këtu dashamirësinë e hongkongasve si dhe konceptin 'Një botë, një ëndërr'." (Wang Lei)