dëgjoni

Të dashur dëgjues, tigri është një nga kafshët e egra që rrezikon të zhduket. Në krahasim me llojet e tjera të tigërave, tigërat që jetojnë në malet Sinanlin dhe malet Chanbaishan, janë të egër, me trup të madh dhe me qime të bukura e të ndritura dhe shquhen si "mbreti i tigrave". Tani, do të shkojmë bashkë në vendlindjen e tigërave të verilindjes për të bërë një vizitë në parkun e tigërave të verilindjes që është baza më e madhe e rritjes së tigërëve në botë. Atje mund të shikosh nga afër jetën e vërtetë të tigrave.

Parku i tigrave të verilindjes ndodhet në pjesën veriore të qytetit të Harbinit të provncës Hilongjian të Kinës verilindore. Këtu jetojnë mbi 400 tigra të verilindjes. Në një mëngjes pranvere, ne erdhëm në parkun e tigrave që zë një sipërfaqe prej afro 3 hektarësh. Pasi udhëtuam me makinë në një rrugë prej dheu dhe pasi kaluam një tatëpjetë, ne pamë më në fund tigrat e verilindjes. Këta tigra po shëtisnin në disa grumbuj në pyll ose pranë pellgjeve. Disa prej tyre ishin të shtrirë në tokë dhe duke shijuar rrezet e diellit po prisnin mëngjesin e tyre.

Sipas moshave të ndryshme, këta tigra qendrojnë përkatësisht në 8 zona të bmyluara me tela me gjmba dhe me dyer elektrike. Zoti Du Minsian që na shoqëronte, është një punonjës i këtij parku. Ai ka punuar mbi 10 vjet këtu. Çdo ditë, ai bën patrullim duke ngarë një makinë, u jep ushqim tigrave dhe kujdeset për tigrat e vegjel. Ai e njeh çdo tigër që jeton këtu dhe di e mirë numrin dhe emrin e çdo tigri. Ai u tregon shpesh turistëve "sekretin" për ti njjohur këta.

Për të dalluar tigrat e ndryshëm, duhet të shikosh formën e fytyrës së tyre. Mbi sy kanë dy unaza në ngjyrë të bardhë dhe brenda unazave ka një vijë. Edhe mënyra e ecjes së tigrave, ashtu si të njerëzit, është e ndryshme. Kur ecin, disa ecin me bisht të ngritur sipër, disa ecin me bisht të shtrirë dhe disa ecin me bisht të ngritur djathtas ose majtas.

Duke biseduar, makina jonë mbërriti në zonën kryesore të tigrave. Me të na parë, afro 20 tigra na u afruan. Makina jonë është e rrethuar me gjimba hekuri dhe shërben posaçërisht për ta ushqyer tigra. Tigrat e mençur mund të dallojnë nga larg zhurmën e makinës. Zoti Du Min tha se shpesh ndonjë tigër ngjitet mbi makinë për të kërkuar mish.

Hajde. Një tigër është mbi makinë. Ai qëndron

Mbi makinën që po ecte. Ndonjë tigër është frikacak dhe ka frikë se pulën ia rrëmbejnë të tjerët, prandaj ai e ha pulën mbi makinë.

Mënyra si ushqehen tigrat është duke u hedhur mish ose pula të gjalla për tigra. Në qoftë se janë kafshë të mëdha si lopë, qengja etj, ato hidhen nga makina. Atëherë, tigrat vijnë dhe rrëmbejnë ushqimin. Për të ruajtur egërsinë e tigrave, punonjësit e parkut të tigrave kanë krijuar një mjedis jete si mjedis natyror. Tani, shumë tigra kanë rimëkëmbur egërsi. Thuhet se një tigër mund të kapë një lopë brenda 3 minutash.

Tani, në kushtet e mospengimit të jetës normale të tigrave, çdo ditë këtu priten disa qindra turistë. Një turiste qe erdhi nga Pekini, quhet Gjian Shu. Ajo erdhi këtu për të parë posaçërisht tigrat. Ajo tha:

Tigri i verilindjes është një lloj kafshe që rrezikon të zhduket dhe është shumë i çmuar. Këtu mjedisi është shumë i mirë dhe i përshtatshëm për tigrat.

Sipas vlerësimit të shkencëtarëve, tani në botë, kanë mbetur vetëm më pak se 500 tigra të verilindjes. Përveç rritjes së tigrave, që mund të shikohen nga turistët, ky park ka edhe një detyrë të rëndësishme. Këtu kryhen edhe kërkime studimore për tigrat e verilindjes, zhvillohet stërvitja e rifillimit të egërsisë së tigrave, në mënyrë që këta tigra të kthehen sa më parë në natyrë. Drejtori i përgjithshëm i parkut të tigrave zoti Van Ligan u shpreh:

Qëllimi i formimit të këtij parku të tigrave të verilindjes është për turizëm, por detyra më e rëndësishme është për rifillimin e egërsisë së tigrave. Këta tigra jetojnë tani në një mjedis natyror në të katër stinët. Ata vetë duhet të kalojnë dimrin e ftohtë dhe verën e nxehtë.

Nese keni rast, mirë se të vini në këtë park për të parë si jetojnë tigrat . (Du)