Të dashur dëgjues, në nënrubrikën e sotme "Shkëmbime kulturore" do t'ju njohim me tenorin e njohur kinez Liu Veivei dhe këngët e huaja të interpretuara prej tij.

Kënga që po dëgjoni, është kënga e njohur italiane "Dielli im", interpretuar nga tenori i njohur kinez Liu Weiwei në gjuhën italiane. Kjo është një këngë e njohur dashurie. Në të buzëqeshja e së dashurës quhet "dielli im". Me anën e admirimit të diellit shprehet dashuria e sinqertë. .......

Liu Weiwei është diplomuar në Fakultetin e Operës të Konservatorit Qendror të Kinës. Gjatë studimeve në këtë konservator, ai mori pjesë në kursin e mjeshtrit italian Xhino Beki të organizuar në Pekin dhe u vlerësua lart nga ky mjeshtër. Në vitin l985, pas diplomimit, Liu Weiwei hyri në Teatrin Qendror të Operës të Kinës, dhe pikërisht në këtë vit, ai fitoi medaljen e artë në konkursin e l2-të vokal ndërkombëtar të organizuar në Brazil.

Liu Weiwei është njeri me fat. Me të hyrë në Teatrin e Operës, atij iu ngarkua rolet kryesore në operat "Madam Batërflaj" dhe "Karmen". Interpretimi me sukses i roleve në këto dy opera e ka kalitur shumë Liu Veivein, duke e ngritur shumë aftësinë shprehëse muzikore, nivelin e shfaqjes operistike në skenë, si dhe nivelin e interpretimit të këngës.....2...

Dëgjues të dashur, pjesa që po dëgjoni është nga aria "Kënga e ankimit e Ferigos" nga opera "Vajza nga qyteti Ale". Fshatari Ferigo u dashurua me një vajzë nga qyteti Ale, por nuk e shkonte nëpër mend se vajza do ta thyente besën që i kishte dhënë dhe do të ikte me një djalë tjetër. Në fund të kësaj opere, Ferigo këndon me ankim, duke shprehur hidhërimin e tij. Në këngë thuhet: "Ky është një tregim i një bariu të zakonshëm. Ai donte të fliste vetë, por e zuri gjumi. Ai e harroi gjithçka në ëndërr. Sa shumë zili që kam, edhe unë dua të hyj në ëndërr, në mënyrë që të harroj gjithçka në ëndërr. Por të gjitha këto janë iluzionet e mia. Përpara syve më del gjithmonë figura e saj e ëmbël...".

Më pas Liu Weiwei interpretoi edhe në operat kineze dhe të huaja si "Toska", "Marko Polo", "Zonja me kamelie" etj. Interpretimet e shkëlqyera të tij janë vlerësuar lart nga shikuesit. Tani ju ftojmë të dëgjoni fragmentin e njohur nga opera "Turando" "Sonte asnjërin nuk e zë gjumi". Në këngë thuhet: "Mos flini, princeshë e bukur fisnike, në dhomën tuaj të ftohtë, shikoni një herë yjet. Të fshehtën time nuk do t'jua tregoj, askush nuk e di kush jam unë. Kur të lindë dielli, unë do t'ju tregoj se kush jam. Deri nesër në mëngjes, fitorja do të më përkasë mua". Interpretimi i tenorit Liu Weiwei është plot patos e me forcë tërheqëse....3...

Përveç interpretimit në opera, Liu Veivei ka marrë pjesë edhe në shumë koncerte madhështore, duke përfshirë edhe koncertin e Gustav Mahlerit "Kënga e tokës", si dhe shfaqjen bashkë me filarmoninë NHK të Japonisë të "Simfonisë së 9-të" të Ludvig Van Bethovenit, dhe ka korrur sukses të madh. Tani Liu Weiwei është tenor në Ansamblin e këngëve dhe valleve të Lindjes së Kinës dhe po vazhdon të interpretojë pjesë të ndryshme kineze dhe të huaja për dashamirësit e vet. ( Zhai)