Teknika e nanometrit, d.m.th teknika e mili-mikro-metrit, është një nga objektet e zhvillimit të shkencës dhe teknikës së lartë, që ndodhet sot në pozicionin e përparmë në botë. Kina është një nga vendet e pakta në botë që ka filluar më herët kërkimet tekniko-shkencore të nanometrit, por në Kinë ende ekzistojnë disa probleme në këtë drejtim. Për shembull, shpërndarja e ndërmarrjeve të kësaj dege ende nuk është e përpjesëtuar, përmasat e këtyre ndërmarrjeve nuk janë të mëdha dhe tregu i produkteve të kësaj dege nuk është normëzuar. Për të shpejtuar shndërrimin e shkencës dhe teknikës së nanometrit në një degë të industrisë në Kinë, Baza Shtetërore Kineze e shkencës dhe teknikës së nanometrit, në bashkëpunim me Akademinë e Shkencave të Kinës, ka krijuar Institutin Studimor Shtetëror të teknikës dhe inxhinierisë së nanometrit. Ministria e Financave e Kinës i dha këtij instituti studimor një fond prej 38 milionë juanësh për ta përkrahur në kërkimet shkencore. Me ndihmën e tëtij fondi, ky institut studimor ka ndërtuar një tarracë të kërkimeve dhe të zbatimit të teknikës së nanometrit në fushën informative, biologjike, farmaceutike, mikro-mekanike etj. Zv-drejtori i Bazës Shtetërore Kineze të shkencës dhe teknikës së nanometrit, zoti Meng Ce, thotë se ky institut studimor do të bashkojë edhe forcat shoqërore për realizimin e zhvillimit të përbashkët në fushën e kërkimemeve bazë, kërkimeve zbatuese dhe të shndërrimit të arritjeve të kërkimeve shkencore.

"Unë jam i sigurt se në të ardhmen do të krijohet një gjendje e bashkëpunimit mes tri palëve, ashtu siç ecin paralelisht kuajt e një trojke. Qendra Shtetërore e nanometrit merret me kërkimet bazë, Instituti Studimor i inxhinierisë dhe teknikës merret me kërkimet zbtuese, kurse Baza Shtetërore Kineze e shkencës dhe teknikës së nanometrit merret me shndërrimin e teknikës në produkte, duke formuar gradualisht një sistem shtetëror të novacionit tekniko-shkencor."

Teknika e nanometrit përdoret në fushën informative, biologjike, farmaceutike, kimike, të aviacionit dhe fluturimit kozmik, të mbrojtjes kombëtare, të energjisë etj. Ajo është jo vetëm shkencë e pozicionit të përparm, por edhe teknikë reale, prandaj ka një potencial të madh në treg. Ajo mund të shpejtojë novacionin e strukturës së degëve përkatëse industriale dhe të ndikojë drejtpërdrejt në fuqinë konkurruese të vendit. Meng Ce thotë se ky institut studimor tashmë ka arritur rezultate.

"Tashmë kemi përfunduar ndërtimin e tarracave të eksperimenteve shkencore të 9 profesioneve dhe zotërojmë 400 komplete pajisjesh më të përparuarat në arenën ndërkomëtare, ndër të cilat 40 komplete janë të përmasës së madhe. Kemi vendosur marrëdhënie bashkëpunimi me Finlandën, Japoninë, SHBA, Rusinë, Australinë, Kanadanë dhe vende të tjera."

Në lëmin e kërkimeve bazë të teknikës së nanometrit Kina ka formuar një armatë punonjësish me nivel të lartë dhe me ndikim në arenën ndërkombëtare, madje në disa fusha të kësaj teknike Kina ka ecur më përpara se SHBA, Japonia, Gjermania dhe vende të tjera të zhvilluara, mirpo mbetet prapa tyre në lëmin e shndërrimit të kësaj teknike në produkte, duke zënë vetëm vendin e 5-të në Azi. Prandaj një detyrë e rëndëishme e këtij instituti studimor është që të zgjidhë problemin e shndërrimit të teknikës së nanometrit në produkte. Zoti Meng thotë se instituti i tij do të hartojë standardet e teknikës së nanometrit dhe të produkteve, me qëllim që të normëzohet fusha e teknikës së nanometrit, të transformohet struktura dhe të ngrihet niveli i degëve tradicionale të industrisë. Ky institut studimor ka për detyrë që të përgatitë një numër punonjësish të talentuar të kërkimeve tekniko-shkencore dhe të zgjerojë bashkëpunimin e shkëmbimet me njësi të tjera brenda e jashtë vendit.

Zv-drejtori i Komisionit të Administrimit të rajonit të ri bregdetar të Tiancinit, zoti Ai Jamin thotë se në vitin 2005 administrata e këtij rajoni u dha 26 ndërmarrjeve një fond subvencioni prej mbi 13 milionë juanësh për 43 objekte të shkencës dhe teknikës. Edhe në të ardhmen, administrata e këtij rajoni të ri do të forcojë më tej punën në këtë drejtim.

"Mund të themi se brenda dy vjetëve të fundit kjo politikë pati efekt të dukshëm. Sot e tutje do të intensifikojmë më tej punën tonë, me qëllim që sa më shumë ndërmarrje të marrin përkrahje më të madhe në punën e tyre për krijimin e të rejave." (Zheng)