Pas një planifikimi të kujdesshëm, në gusht të vitit të kaluar, filloi ndërtimi i infrastrukturës së parkut të panairit. Kjo do të thotë se puna përgatitore e këtij panairi ka hyrë në periudhën e zbatimit. Siç mësohet, punimet e ndërtimit të sallave kryesore të ekspozitës do të përfundojnë para fundit të vitit 2009.

Pjesa kryesore e parkut të panairit ndodhet në dy brigjet e lumit Huang-pu. Përveç zonave të ekspozitës, do të ndërtohen edhe salla të ndërmarrjeve, të shërbimeve etj. Parku i panairit do të zërë një sipërfaqe prej 3.1 kilometrash katrorë, një sipërfaqe ndërtimi prej 1 milionë e 200 mijë metrash katrorë. Në sallat e ekspozitës, që kanë një sipërfaqe prej 300 mijë metrash katrorë mund të organizohen njëkohësisht ekspozita të afro 150 vendeve e të rajoneve të botës.

Deri më 26 janar të këtij viti, 110 vende dhe organizata ndërkombëtare, duke përfshirë Shqipërinë, Serbinë, Malin e Zi, Rusinë, SHBA-në, Bullgarinë, Poloninë etj., janë regjistruar për të marrë pjesë në panairin botëror të vitit 2010 në Shangai. (Çan Yean)