Viti 1984: Në një dhomë pritjeje me qira në Pekin, me 25 mijë dollarë në dorë, krijuesi Liu Chuanzhi dhe 10 specialistë të kompjuterit krijuan një kompani të re me emrin "Legend". Kjo kompani kishte për qëllim kthimin e rezultateve të kërkimit shkencor në produkte kompjuterike.

Viti 1989: U formua zyrtarisht Korporata e Përgjithshme "Legend".

Viti 1994: Korporata e Përgjithshme "Legend" hyri me sukses në bursën e Hong-Kongut.

Viti 1996: Produktet kompjuterike të Korporatës "Legend" zunë përqindjen më të madhe në tregun e brendshëm të Kinës.

Viti 1999: Korporata "Legend" u bë kompania e kompjuterave më e fuqishme në tregun e Azi-Paqësorit dhe u rendit në vendin e parë ndër 100 kompanitë më të fuqishme.

Viti 2000: U ngrit shumë çmimi i aksioneve të Korporatës "Legend".

Viti 2003: Korporata "Legend" shpalli se do të përdorë simbolin e ri "Lenovo" dhe bëri përgatitje për hyrjen në tregun e huaj.

Viti 2004: Korporata "Lenovo" u bë ndërmarrja e parë kineze që nisi bashkëpunimin si partnere me Komitetin Olimpik Ndërkombëtar. Ajo është edhe kompania e vetme, e cila u ofroi desk-topë, lap-topë, printera dhe pajisje të tjera kompjuterike organizatorëve të Lojërave Olimpike Dimërore të Torinos të vitit 2006 dhe të Lojërave Olimpike të Pekinit të vitit 2008.

Korporata "Lenovo" dhe Korporata IBM arritën një marrëveshje, ku deklarohet se Korporata "Lenovo" do të blejë biznesin e kompjuterit personal (desk-top dhe lap-top) të Korporatës IBM. Korporata "Lenovo" e re do të bëhet furnizuesi i 3-të më i madh në industrinë e kompjuterit personal të botës. (Shyguan)