Ky forum organizohet bashkërisht nga Organizata Botërore e Pronësisë Intelektuale dhe Drejtoria Shtetërore e Të drejtave të Autorit e Kinës dhe është forumi ndërkombëtar i kategorisë më të lartë në fushën e të drejtave të autorit në Kinë. Në fjalimin e mbajtur në ceremoninë e hapjes, shefi i Zyrës së Përgjithshme të Shtypit të Kinës dhe drejtori i Drejtorisë Shtetërore të Të drejtave të Autorit Long Xinmin tha:

"Me përsosjen e pandërprerë të sistemit të të drejtave të autorit të Kinës dhe me thellimin e bashkëpunimit ndërkombëtar, perspektiva e sektorit kinez të të drejtave të autorit është bërë më e gjerë. Ne do të marrim masat më efektive për të mbrojtur dhe nxitur zhvillimin e mirë të sektorit të të drejtave të autorit."

Në forum pjesëmarrësit diskutuan për gjendjen e tanishme dhe perspektivën e zhvillimit të sektorit të të drejtave të autorit, mbrojtjen e të drejtave të tij, krijimin e sistemit efektiv të mbrojtjes etj. 6 ndërmarrje të famshme kineze të sektorit të të drejtave të autorit propozuan të krijohet "Lidhja e të drejtave të autorit të ndërmarrjeve kineze". Presidenti i grupit "Sanchen" Sun Wenhua u bëri thirrje ndërmarrjeve të bëjë përpjekje së bashku me qeverinë për të mbrojtur të drejtat e autorit. Ai tha:

"Sistemi i mbrojtjes së të drejtave të autorit duhet të përsoset gradualisht. Gjatë këtij procesi, ndërmarrjet dhe qeveria duhet të forcojnë bashkëpunimin."

Edhe përfaqësuesi i Shoqatës së Filmit të SHBA-së në Kinë Mark Day, zv-sekretari i përgjithshëm i Organizatës Botërore të Pronësisë Intelektuale Geofrei Yu etj. shprehën mendime të tyre për zhvillimin e sektorit kinez të të drejtave të autorit. Geofri Yu tha se në mbrojtjen e të drejtave të autorit, qeveria kineze duhet të luajë një rol më aktiv, edhe ndërmarrjet duhet të forcojnë bashkëpunimin me qeverinë. Vitet e fundit, Kina ka bërë shumë punë efektive në fushën e mbrojtjes së të drejtave të autorit. Ai tha:

"Zhvillimi i forumit ndërkombëtar të të drejtave të autorit tregoi se qeveria kineze i kushton rëndësi të madhe mbrojtjes së të drejtave të autorit. Forumi ka rëndësi të madhe për zhvillimin e mëtejshëm të sistemit të mbrojtjes së të drejtave të autorit të Kinës dhe do të nxitë progresin ekonomik, shoqëror e kulturor kinez."

Shefi i zyrës së të drejtave të autorit të Drejtorisë Shtetërore të Të drejtave të Autorit të Kinës Wang Ziqiang tha se krijimi i Lidhjes së të drejtave të autorit të ndërmarrjeve kineze është sinjali i progresit shoqëror dhe do të nxitë patjetër zhvillimin e sektorit të të drejtave të autorit të Kinës. (Fani)