Disa njerëz janë të mendimit në fitoren e medaljes së artë olimpike ajo ishte me fat, për shkak se ajo që doli e para atëherë u skualifikua për shkeljen e rregullave. Ajo u ndje shumë keq dhe tha: "Ivanova ishte prapa meje në një largësi prej dhjetëra metrash. Po të mos vraponte ajo, unë do të bëhesha kampione e padiskutueshme. Dhe më vjen shumë keq që humba rastin për të kremtuar fitoren time, duke ecur përqark stadiumit me flamurin kombëtar..." Ajo është Chen Yueling, kinezja e parë që ka fituar medalje të artë olimpike në atletikë.

Engjëll në rrugë

Chen Yueling ka lindur në vitin 1968në qytezën Tieling të provincës Liaoning të Kinës verilindore. Gjendja ekonomike e familjes së saj nuk ishte e mirë dhe kjo i dha asaj vetinë e këmbënguljes. Në shkollën fillore, Chen Yueling që ishte shumë e gjallë, filloi stërvitjen në ecjen sportive nën drejtimin e mësuesit e saj. Në atë kohë në zonën malore, nuk kishte shumë sporte të përshtatshme për fëmijë dhe nuk kishte fushë profesionale për stërvitje, prandaj Chen Yueling stërvitej në rrugë natyrore. Pas disa ditësh, banorët e atyshëm e quajtën Chen Yueling-in "Engjëll në rrugë". Siç thuhet, gjatë stërvitjeve, ky "engjëll në rrugë" u sulmua disa herë nga kafshët në mal. Ndërsa pasi shkoi në Amerikë, Chen Yueling u quajt "ambasadorja kineze".

Keqardhja më e madhe është që nuk kremtoi fitoren me flamurin kombëtar

Duke folur për fitoren në Barcelonë, Chen Yueling tha: "Ne kishim një plan të hollësishëm për garën. Gjatë fazës fillestare, unë ndoqa të tjerët, kjo mund të ulë në minimum shkeljen e rregullave. Dhe në fazën përfundimtare, unë kalova në vendin e parë, por para se të hyja në stadiumin kryesor, atletja ruse Ivanova më kaloi me shpejtësi të madhe dhe arriti në pikëmbërritje para meje. Përshtypja ime e parë ishte që ajo kishte shkelur rregullat, ajo nuk eci por vrapoi. Por 10 minuta pas garës, përgjegjësi kinez më tha se kisha fituar titullin kampione. Më pas, mediat thanë se isha me fat, pasi fitorja ime ishte për shkak të skualifikimit të Ivanovës. Sa për këtë thënie, unë mendoj që unë jam kampionia e vërtetë. Kisha rast të festoja fitoren duke ecur përqark stadiumit me flamurin kombëtar, por e humba dhe një rast i tillë nuk më vjen më."

Përparim i përjetshëm

Në vitin 1993, Chen Yueling që asokohe ishte 23 vjeçare shpalli mbylljen e karrierës së saj sportive dhe shkoi në Amerikë për të kryer studimet universitare. Nga fusha sportive në shkollë, nga Kina në Amerikë, Chen Yueling nuk u mësua nga dallimet e mëdha midis tyre. Në mësimin e parë në Amerikë, ajo kuptoi vetëm dy shprehje: "Good mornig" dhe "Bye-bye". Duke folur për atë kohë, Chen Yueling tha: "Çdo njeri nuk mund të merret me sport për tërë jetën. Isha e mendimit se duhet të mësoj diçka të re. Pasi erdha në Amerikë, u ndesha me vështirësi të mëdha dhe pothuajse hoqa dorë, por më inkurajonte dhe më përkrahte vullneti këmbëngulës i formuar nga sporti."

Tani Chen Yueling punon për një kompani amerikane, zv/president i së cilës është argjenti i saj Drik. Edhe ai ka qenë një atleti që mori pjesë në emër të Amerikës në Lojërat Olimpike të vitit 1968. Ai është shumë i pasionuar pas sportit dhe punoi si këshilltar i Komitetit Olimpik të Kinës gjatë kërkesës për organizimin e Lojërave Olimpike të vitit 2008. Duke folur për Chen Yueling, ai tha: "Chen Yueling është një person me vullnet të fortë e këmbëngulëse në punën e saj ashtu si në fushën sportive. Gjithashtu ajo ka forcë të madhe dhe nuk tërhiqet kurrë para vështirësive. Krahas këtyre, ajo është një femër e zgjuar dhe elegante. Tani, të gjithë njerëzit këtu e quajnë "ambasadorja e Kinës".

Pamje e bukur

Pas 10 vjetësh në San Diego, Chen Yueling na duket më e bukur dhe më elegante. Në zyrën e saj, pamë medalje, kupa, skulptura dhe foto të saj të shumta. Në fakt, zyra e saj duket si një muze i vogël sportiv dhe është e bukur si e zonja e saj. Chen Yueling tha: "Të gjithë punonjësit më trajtojnë mirë dhe punoj këtu shumë mirë. Nëse në të ardhmen do të fitoj mjaft para, do të kthehem në vendlindjen time për të ndihmuar studentët në gjendje të vështirë ekonomike."

San Diego ka peizazh të bukur, qiell të kthjellët dhe det blu. Bashkë me Drikun, Chen Yueling stërvitet shpesh buzë detit. Vrapimi i saj bashkë me disa fëmijë amerikanë nën rrezet e diellit është me të vërtetë një pikturë e bukur.

Lojërat Olimpike të Sidnejit

Chen Yueling-ut i pëlqen shumë ecja sportive, e cila i solli gëzime të mëdha. Nën ndikimin e Drikut, Chen Yueling stërvitet përditë dhe ruan një nivel të lartë sportiv. Në vitin 2000, Chen Yueling mori pjesë në Lojërat Olimpike të Sidnejit si përfaqësuese e Amerikës. Megjithëse nuk arriti rezultat të mirë, Chen Yueling mori pjesë përsëri në Lojërat Olimpike, gjë që është përvojë e saj e paharrueshme.

Chen Yueling shprehet gjithmonë se vendlindja e saj është Kina dhe do të kthehet një ditë në Kinë. (Jiang Lei)