Korrespondentët e Radios së Jashtme të Kinës njoftuan se më 15 prill, Orkestra Simfonike e Kinës do të zhvillojë ceremoninë e kremtimit të 50-vjetorit të krijimit të orkestrës. Për të kremtuar këtë përvjetor, kjo orkestër do të japë edhe 12 koncerte.

Krahas këtyre, me ftesën e Qendrës Humanitare e Artistike Agis të SHBA-së, nga 4 deri më 28 maj, Orkestra Simfonike e Kinës do të bëjë vizita në SHBA për shfaqje. Kjo është vizita e dytë e Orkestrës Simfonike të Kinës në SHBA pas 19 vjetëve.

Orkestra Simfonike e Kinës u formua nga Orkestra Qendrore në vitin 1956. Historia e zhvillimit të orkestrës është pikërisht historia e zhvillimit të simfonisë kineze.

Zhvillohet në Australi ekspozita "Pekin i ri, Lojëra Olimpike të reja"

Gazeta kineze "Beijingchenbao" njoftoi se si një aktivitet i rëndësishëm në veprimtarinë "Turneu i kulturës kineze në Australi", më 7 prill, filloi të zhvillohet në Sidnei të Australisë ekspozita "Pekin i ri, Lojëra Olimpike të reja".

Në këtë ekspozitë do të vendosen 99 piktura lidhur me Lojërat Olimpike të Pekinit, lidhur me mallrat e posaçme olimpike dhe të artizanatit tradicional kinez.

Para zhvillimit të saj në Sidnei, kjo ekspozitë u zhvillua me sukses në mbi 10 vende si SHBA-ja, Italia etj. Nga 21 deri më 30 prill, ekspozita do të zhvillohet në Melburn.

Do të zhvillohet në Pekin "Java ndërkombëtare muzikore Mozart"

Gazeta kineze "Beijingqingnianbao" njoftoi se me rastin e 250-vjetorit të lindjes së Mozartit, nga 8 deri më 14 prill do të zhvillohet në Pekin "Java ndërkombëtare muzikore Mozart" e organizuar bashkërisht nga Universiteti Qendror i Muzikës i Kinës dhe ambasada e Austrisë në Kinë.

Gjatë javës muzikore do të zhvillohen shumë koncerete të veprave të Mozartit, ndër të cilat shumë vepra do të paraqiten për herë të parë në Kinë.

Mozarti është kompozitor i famshëm i Austrisë, ai ka krijuar shumë vepra simfonike, sonata, muzikë për piano etj.

Do të hapet në Pekin "Pranvera e shkëmbimeve kulturore kino-franceze"

Gazeta kineze "Xinjingbao" njoftoi se më 21 prill, do të hapet në Pekin "Pranvera e shkëmbimeve kulturore kino-franceze". Ky është raundi i ri i veprimtarisë së shkëmbimeve kulturore midis Kinës dhe Francës dhe është vazhdimi i "Vitit kulturor Kinë-Francë" që përfundoi në vitin 2005.

"Pranvera e shkëmbimeve kulturore kino-franceze" përbëhet nga 4 seksione: i muzikës, valleve, fotografive dhe i dramës.

"Pranvera e shkëmbimeve kulturore kino-franceze" është pjesë e rëndësishme përbërëse e Festivalit Artistik "Takimi në Pekin". Ky akvititet do të zhvillohet në 10 qytete të Kinës dhe do të përfundojë më 11 qershor. (Fani)