dëgjoni

Të dashur dëgjues, nga 21 deri më 22 mars, presidenti i Rusisë Putin do të bëjnë një vizitë shtetërore në Kinë. Gjatë kësaj vizite, liderët e dy vendeve do të marrin pjesë në ceemoninë e fillimit të aktiviteteve "Viti i Rusisë" që do të organizohen në Kinë. Më 16 mars, funksiosnarët e lartë diplomatikë të Kinës dhe të Rusisë organizuan bashkarisht një konferencë shtypi, ku ata i njohën korrespondetët me gjendjen përkatëse të këtyre aktiviteteve dhe shprehën dëshirën për thellimin e gjithanëshëm të bashkëpunimit midis dy vendeve në fusha të ndryshme.

Kina dhe Rusia janë dy vende të mëdha fqinjë dhe partnerë të rëndësishëm strastegjikë. Vitin e kaluar, liderët e dy vendeve arritën mendimin unanim dhe i nxitën personalisht aktivitetet "Viti i shtetit" midis dy palëve. Në korrik të vitit të kaluar, gjatë vizitës së kryetarit të Kinës Hu Jintao në Rusi, liderët e dy vendeve deklaruan zyrtarisht se për nxitjen e zhvillimit të gjithanëshëm të marrëdhënieve të bashkëpunimit dhe të partneritetit strategjik midis Kinës dhe Rusisë, të dyja palët vendosën që në vitin 2006 të organizohet në Kinë "Viti i Rusisë" dhe në vitin 2007 të organizohet në Rusi "Viti i Kinës".

Në këtë konferencë shtypi, ndihmës-ministri i jashtëm i Kinës dhe sekretari i përgjithshëm i palës kineze të Komitetit Organizativ të "Vitit të Shtetit të Kinës dhe të Rusisë, zoti Li Hui i njohu korrespondentët me gjendjen përkatëse të organizimit të "Vitit të shtetit" midis Kinës dhe Rusisë. Ai tha se organizimi reciprok i "Vitit të Shtetit" nga Kina dhe Rusia bëhet për herë të parë në historinë e marrëdhënieve midis Kinës dhe Rusisë. Ky është një hap i rëndësishëm për vënien në jetë të parimeve dhe të frymës së "Traktatit të fqinjësisë së mirë dhe të bashkëpunimit miqësor midis Kinës dhe Rusisë".

Organizimi i aktiviteteve "Viti i shtetit" është një vendim i rëndësishëm politik i bërë nga liderët e dy vendeve me qëllim për të shtuar miqësinë tradicionale, për të forcuar besimin reciprok, për të nxitur bashkëpunimin midis dy vendeve në fushat politike, ekonomike, shkencore, teknike, etnografike ejt, për të nxitur marrëdhëniet e bashkëpunimit dhe të partneritetit strategjik midis Kinës dhe Rusisë dhe për të dhënë kontribut të ri për paqen dhe zhvillimin e botës.

Kulmi i "Vitit të Rusisë" do të jetë ceremonia hyrëse të këtij aktiviteti që do të organizohet pas disa ditësh, ku do të marrin pjesë liderët e dy vendeve.

Ambasadori i Rusisë në Kinë zoti Razov Sergei parashikoi më shumë për bashkëpunim në të ardhmen midis dy vendeve në fusha të rëndësishme. Ai tha:

Ne do të zhvillojmë bashkëpunimin në radhë të parë në fushën e energjisë. Unë shpresoj se gjatë vizitës së presidentit rus Putin në Kinë, të dyja palët do të arrijnë disa marrëveshje të reja për bashkëpunimin në fushën e energjisë.

Razov Sergei është i mendimit se aktivitetet "Viti i Shtetit" është një shembull frymëzes i bashkëpunimit midis Rusisë dhe Kinës në arenën ndërkombëtare. (Du)