dëgjoni

Ai tha se anija kozmike kineze " Shenxhou Nr. 6" është anija me diametrin më të madh sot në botë dhe mund të ngarkohet me tre kozmonautë. Anija kineze " Shenxhou" Nr.6 përbëhet nga kabina e shtytjes, kabina e kthimit dhe kabina e orbitës. Gjatë fluturimit të parë me kozmonaut, veprimet e kozmonautit ishin të kufizuara në kabinën e kthimit, ndërsa gjatë fluturimit të anijes " Shenxhou" Nr.6, dy kozmonautët zhveshën uniformën kozmike dhe hynë nga kabina e kthimit në kabinën e orbitës dhe bënë me radhë eksperimentime shkencore , si dhe pushime në kabinën e orbitës.

Kryeprojektuesi i sistemit të anijes kozmike zoti Zhang Bainan tha se kabina e orbitës është e pajisur me sende të domosdoshme për jetën dhe punën e kozmonautëve dhe është tamam si shtëpi kozmike e kozmonautëve.

Ai tha: Kabina e orbitës shërben si kabinë për të jetuar dhe punuar kozmonautët, por ka edhe aftësinë e vazhdimit të eksperimenteve shkencore në orbitë. Pas uljes në tokë të kabinës së kthimit, kabina e orbitës mund të vazhdojë punën e saj në kozmos si satelit dhe mund të përdoret si një aparat fluturues për bashkimin në të ardhmen me aparate të tjera kozmike.

Raketë për lëshimin e anijes kozmike " Shenxhou" është raketa " Marshimi i madh Nr. 2 F", e prodhuar nga vetë Kina. Ajo është raketa më e gjatë dhe me strukturën më të ndërlikuar që ka sot Kina. Kjo raketë është e pajisur me teknologji rezervë në sistemin kryesor dhe në pjesët e rëndësishme. Në rast se sistemi kryesor ka difekt, raketa mund të kthehet shpejt në sistemin rezervë, duke garantuar punën normale dhe sigurimin e kozmonautëve.

Kjo raketë është eksperimentuar dhe prodhuar nga Korporata shkencore kozmike e Kinës. Kryedrejtori i kësaj korporate, zoti Zhang Çinvei tha se për të lëshuar me sukses anijen kozmike " Shenxhou" Nr. 6, ata kanë bërë 17 rikonstruksione teknologjike në raketën " Marshimi i madh Nr. 2 F", duke përfshirë organizmin e sigurimit, në mënyrë që të mos ndodhë diçka e papritur në rast manovrimi të gabuar. Ata kanë rregulluar gjithashtu edhe koeficientin e tronditjes së pajisjeve motorike të raketës. Nëpërmjet këtyre rikonstruksioneve është ngritur jo vetëm siguria e raketës, por është përmirësuar edhe jeta e kozmonautëve. Kozmonautët udhëtojnë me " veturë" në vend të " kamionit", tha me humor z. Zhang.

" Pas lëshimit të anijes kozmike " Shenxhou" Nr. 5, në kohën nga 120 deri 160 sekonda, kozmonauti ndjeu një tronditje dhe nuk e ndiente veten rehat. Duke pasur parasysh këtë, ne rregulluan koeficientin e tronditjes të të gjithë sistemit të raketës, në mënyrë që kozmonautët e anijes " Shenxhou" Nr. 6 të ndiheshin më mirë në zemër dhe në stomak. Rikonstruksioni i dytë është vendosja e sistemit pamor në raketë, në mënyrë që fotografitë e raketës gjatë lëshimit të transmetohen në Tokë. Kjo jo vetëm shton interesin e ndjekjes së raketës gjatë lëshimit, por forcon edhe kontrollin e sigurisë së raketës.

Brenda periudhës së shkurtër prej dy vjetësh Kina ka lëshuar me sukses dy anije kozmike me kozmonautë. Teknologjia kozmike e Kinës me kozmonautë është duke u pjekur dita ditës. Veçanërisht kësaj here udhëtimi i anijes kozmike " Shenxhou" Nr. 6 në hapësirën kozmike tregoi nivelin më të lartë të teknologjisë kozmike të Kinës. Zv-kryekomandanti i kësaj vepre, zoti Hu Shishia tha se në të ardhmen Kina do të bëjë edhe kërkime shkencore, si ecja e kozmonautëve jashtë anijes, bashkimi i pajisjeve kozmike, krijimi i stacionit kozmik si dhe teknologji të tjera përkatëse.

" Sipas planit, në vitin 2007 Kina do të realizojë teknologjinë e ecjes së kozmonautëve jashtë anijes, madje kozmonautët do të vishen me uniformë kozmike të prodhimit kinez. Në vitin 2008 ose 2009 do të realizohet teknologjia e bashkimit të pajisjeve kozmike. Në atë kohë shumë kozmonautë kinezë do të udhëtojnë me anije kozmike dhe do të merren me aktivitete të ndryshme kozmike. ( zhang )