Të dashur dëgjues dhe lexues si ia kaluat? Vera ju përshendet si gjithmonë në Pekin. Unë jam Qu Ning, anëtarja e redaksisë së gjuhës shqipe të Radios së Jashtme të Kinës, kam edhe emër shqiptar, Vera quhem, ndoshta më keni njohur që më parë në programin tonë muzikor me këtë emër.

Në vitin 2000 u diplomova nga Universiteti i Gjuhëve të Huaja të Pekinit dhe u punësova në Radion e Jashtme të Kinës për punët e shqipes në radaksinë e këtij gjuhe. Këtu ne kemi ne specialistin e aftë Rudi Stringa dhe veteranet kineze në gjuhën shqipe, si Daming dhe Pina, Huai Lu dhe Çani. Deri në gusht të këtij viti kam 5 vjet që punoj në këtë radio, dhe ju mund të thoni që jam një punonjëse e vjetër, por në krahasim me spikeret e tjera të shkëlqyera si Damini, Pina dhe Huai Lu, akoma kam një dallim disi të madh, prandaj në vitin 2003 shkova në Shqipëri me bursë shteti për specializim pasuniversitar në gjuhën shqipe. Kur isha në Shqipëri takova shumë pedagogë të mirë në universitetin e Tiranës, ata më dhanë përkrahje të shumta, si rektori i universitetit Shezaiu Rrokaj, profesor Gjovalin Grudaj, Gjovalin shkurtaj dhe Rami Memushaj, u interesova shumë për lëndet e tyre, sidomos për disa lëndë për zakonet e shqiptarëve dhe kahen e gjuhës shqipe etj, nëpërmjet këtyre lendëve, kam njohur më mirë Shqipërinë e sotme. Specializimi im në Shqipëri më ka lënë përshtypje shumë të thellë, më kujtohet shpesh që mësoja së bashku me shoqe shqiptare Hysnie Hasani dhe motrën e saj Blerta në konviktin e tyre, bëja shëtitje me shoqen time Rudina Lalaj në parkun e liqenit dhe shkoja në lokale me shoqe të klasës, kam mësuar edhe kuzhinën tradicionale shqiptare në shtëpitë e miqve shqiptare. Shiqiptarët janë të hapur dhe të thjeshtë. Gjatë pushimeve verore kam qenë në Vlorë, Korçë, Pogradec, Durrës, Elbasan dhe shumë qytete të tjera të Shqipërisë për turizëm, kudo që kam qenë kam parë pamje të bukura të Shqipërisë dhe kam ndier nga afër miqësinë e popullit shqiptar.

Në dhjetor të vitit të kaluar përfundova specializimin në Shqipëri dhe u ktheva në Pekin ku vazhdoj punën time në Radio. Pasi u njoha nga afër me Shqipërinë, tani këtë punë e bëj më me emocion dhe interes. Aktualisht unë drejtoj kryesisht programin muzikor të fundjavës dhe lexoj shpesh lajme të përditshme. Muzika tradicionale e Kinës nuk është shumë e njohur për dëgjuesit shqiptarë, e kam ndier shumë fort këtë kur isha në Shqipëri, sidomos për këngë popullore të larmishme të Kinës dhe për meloditë klasike tradicionale të Kinës, prandaj në programin tonë muzikor, unë prezantoj shumë këngë popullore të Kinës, dhe shpresoj që nëpërmjet programit tonë të njiheni jo vetëm Murin e madh, ekonominë e zhvilluar të Kinës, por edhe kulturën e muzikën tradicionale të Kinës. Në të ardhmen do të përpiqem ta bëj sa më të mirë programin muzikor, t'ju prezantoj më shumë këngë të bukura të Kinës.

Posta ime elektronike ka këtë adresën Veraqu@sina.com. Shpresoj të më dërgoni letra, të më bëni sugjerime dhe të më jepni mendimet tuaja të shtrenjta për programin muzikor. Në fund ju uroj dëgjuesve të dashur dhe lexuesve të gjitha të mirat.