dëgjoni

Më 24 prill u zhvillua në Bandong të Indonezisë aktiviteti përkujtimor me rastin e 50-vjetorit të Konferencës së Bandongut, ku morën pjesë kryetari i shtetit i Kinës Hu Jintao dhe liderë e përfaqësues qeveritarë të vendeve të ndryshme që morën pjesë në Samitin e Azi-Afrikës.

Bandongu është qyteti i tretë i Indonezisë dhe kryeqendër e provincës Uest Xhava. Ai vlerësohet edhe si "Parisi i Xhavës". Rruga Azi-afrikanë ndan qytetin Bandong në dy pjesë, në jug dhe në veri. Trualli i Konferencës së Bandongut 50 vjet më parë, Pallati i Pavarësisë ndodhet pikërisht në këtë rrugë.

Më 24 prill në orën 9 paradite, liderët ose përfaqësueit qeveritarë të mbi 80 vendeve aziatike e afrikane si dhe përfaqësues të organizatave ndërkombëtare hynë në Pallatin e Pavarësisë, duke ndjekur rrugën Azi-afrikë, ku kanë kaluar edhe përfaqësuesit e vendeve aziatike e afrikane, që morën pjesë në Konferencën e Bandongut para gjysmë shekullit.

Aktiviteti përkujtimor filloi me këngën "Tungjatjeta, Bandongu!". Në radhë të parë mbajti një fjalim presidenti i Indonesisë, vend organizator, Sosilo. Ai tha:

"Para 50 vjetëve, liderët e vendeve Azisë dhe të Afrikës zhvilluan Konfernecën e parë të liderëve të vendeve aziatike e afrikane. Ata i shprehën gjithë botës aspiratën e popujve azi-afrikanë për liri, paqe dhe barazi dhe ky është thelbi i "frymës së Bandongut". Sot, vende aziatike dhe afrikane mblidhemi përsëri në Bandong për të përkujtimuar "frymën e Bandongut", me qëllim që të kujtojmë këtë frymë dhe t'i japim gjallëri të re. Pikërisht të frymëzuara nga "fryma e Bandongut", këtë herë, vendet aziatike e afrikane po vendosin partneritetin strategjik të tipit të ri."

Mbajtën fjalime edhe përfaqësues nga vendet e tjera aziatike e afrikane dhe nga Lëvizja e Mosinkuadrimit. Ata thanë se "fryma e Bandongut", e formuar para 50 vjetëve, ruan forcë të madhe jetike edhe sot. Me forcimin e bashkëpunimit të solidaritetit midis vendeve aziatike e afrikane, do të realizohen me siguri stabiliteti, zhvillimi dhe lulëzimi i rajonit.

Qyteti i Bandongut ka një histori të shkëlqyer. Si një nga qytetet ku lindi lëvizja e pavarësisë kombëtare të Indonesisë, Bandongu mban titullin "qytet heroi". Pikërisht për këtë arsye, në vitin 1955 ish-presidenti i Indonezisë Sukarto e zgjodhi këtë qytet për thirrjen dhe mbajtjen e konfernecës së parë azi-afrikane. Gazetari indonezian, Z. Suria, që mori pjesë në raportimin e Konferencës së Bandongut, është në moshën e thinjur sot. Edhe ai erdhi në truallin e aktivitetit përkujtimor. Ai tha:

"Konferenca e sotme ndryshon shumë nga ajo e 50 vjetëve më parë. Atëherë morën pjesë në konferencë vetëm liderë të 29 vendeve, kurse sot marrin pjesë liderë ose përfaqësues të afro 100 vendeve. Atëherë në pjesën dërrmuese të familjeve vendëse nuk kishte elektricitet dhe lajmet e konferencës i mora vetëm në sallën e konferencës, kurse sot mund të shohim konferencën nëpërmjet transmetimit të drejtpërdrejt në televizion.

Ashtu si fjalët e kryetari të shtetit të Kinës Hu Jintao në Samitin Azio-afrikan, mbledhja përsëri e vendeve aziatike e afrikane ka për qëllim përkujtimin e historisë, parashikimin e ardhmes dhe të nxitjen e bashkëpunimit, në mënyrë që të krijojhet bashkarisht partneriteti strategjik i tipit të ri. Përkujtesa e historisë i shërben një të ardhmeje më të bukur. Me thellimin e prirjes së globalizimit ekonomik dhe me përparimin e vrullshëm tekniko-shkencor, vendet aziatike e afrikane ndodhen tani përpara rasteve historike për bashkëpunim dhe zhvillim të shpejtë. (Wang Lei)