Në historinë diplomatike të Republikës Popullore të Kinës, Konferenca e Bandongut është shumë e rëndësishme. Në këtë konferencë, Republika Popullore e Kinës fitoi mirëkuptimin dhe respektimin e shumë vendeve aziatike dhe afrikane, duke filluar historinë e re diplomatike të Kinës.

Më 18 prill në vitin 1955, u hap solemnisht në "qytetin e luleve" të Indonezisë, Bandong Konferenca e Parë Azio-afrikane, Përfaqësues të 29 vendeve dhe rajoneve aziatike dhe afrikane morën pjesë në këtë konferencë. Kryeministri i Kinës Çu En Lai, në krye të delegacionit kinez, mori pjesë me ftesë në të.

Në atëkohë, vetëm 7 vende në konferencën e pranuan Republikën Popullore të Kinës. Prandaj, delegacioni i Kinës që kishte marrë pjesë shumë pak në takime diplomatike, tërhoqi vëmendje të madhe. Në fillim të kësaj konference u dukën mosmarrveshje dhe konflikte. Disa vende bile përhapën thënien e kërcënimit të Kinës për të sulmuar komunizmin. Në mbledhjen plenare të 19 prillit, kryeministri Çu En Lai mbajti një fjalim. Ai iu dha përfaqësuesve të konferencës tekstin e fjalës së tij dhe bëri një fjalim plotësues të shkurtër. Fjalia e parë e tij është "Delegacioni i Kinës erdhi këtu me qëllim që të bashkohemi, jo të grindemi". Salla e zhurmshme e konferencë menjëherë u qetësua. Më pas, Çu En Lai shtjelloi më tej qëndrimin e tij: "Duke synuar pika të përbashkëta dhe duke mënjanuar divergjencat". Ai ishte i mendimit se sistemet shoqërore dhe ideologjitë e ndryshme të vendeve nuk pengojnë interesat e përbashkta dhe bashkëpunimin midis tyre. Kur ai mbaroi fjalimin e tij, në sallën e konferencës shpërthyen duartrokitjet dhe ovacionet për një kohë të gjatë.

Gjatë periudhës së konferencës, delegacioni kinez krijoi lidhje me vende të ndryshme pjesëmarrëse në konferencë, duke thelluar njohjen reciproke dhe duke shtuar miqësinë. Në këtë konferencë, Çu En Lai bëri një deklaratë, ku thuhet se populli kinez nuk do të bëjë luftë me SHBA-në dhe do të diskutojë me qeverinë amerikane për problemin e zbutjes së gjendjes së nderë në rajonin e Tajvanit. Për shkak të kësaj deklarate, në gusht të vitit 1955, Kina dhe SHBA-ja filluan bisedimet në rang ambasade.

Në mbylljen e kësaj konference, u publikua "Komunikata Përfundimtare e Konferencës Azio-Afrikane" e karakterizuar nga fryma e bashkimit dhe të bashkëpunimit. Në këtë komunikatë, u paraqitën 10 parimet e marrëdhënieve ndërkombëtare, përmbajtja themelore e të cilave ishte 5 parimet e paraqitura një vit më parë nga Kina dhe India: "respektimi reciprok i sovranitetit dhe i tërësisë territoriale, mossulmi i njëri-tjetrit, mosndërhyrja reciproke në punën e brendshme, barazi dhe leverdi reciproke, bashkekzistenca paqësore".

Pas Konferencës së Bandongut, Kina i ndoqi si gjithmonë 5 parimet e bashkekzistencës paqësore për çëshjet ndërkombëtare dhe fitoi të njëjtin vlerësim të lartë nga rajone të ndryshme, kombe të ndryshme dhe vende me sisteme shoqërore të ndryshme të botës. (Shyguan)