Para dhe pas shpalljes së RP të Kinës në vitin l949, në sferën botërore ishin në kundërvënie dy kampe të mëdha. Vendet e rajonet e botës së tretë shpërthyen një hov të madh të revolucionit nacional-demokratik. Masat e gjera popullore qe kishin vuajtur shumë gjatë dy luftrave botërore, mbanin fort në mendje gjendjen e terrorit të luftës dhe thirrjet për pavarësi, paqe dhe ishin ngritur shumë kundër luftës në sferën botërore. Për Kinën e re të porsa shpallur, ishte shumë e nevojëshme paqen dhe duhej ndërtuar që vendi në një mjedis të paqes.

Qysh në fillim të shpalljes së RP të Kinës, Mao Cedun ka vënë në dukje në plenumin e 2-të të Kongresit të 7-të të PK të Kinës: " Ne dëshirojmë të vendosim marrëdhënie diplomatike me të gjitha vendet në bazë të parimit të barazisë ". Pastaj ai shpalli : "Kina duhet të jetë e pavarur, e çliruar, çështjet e Kinës duhet të trajtohen nga vet populli kinez dhe nuk lejohet asnjë ndërhyrje e çfarëd lloj imperializmi", duke paraqitur se " do të vendosen marrëdhënie diplomatike me të gjitha qeveritë në bazë të barazisë, leverdisë reciproke dhe të respektimit reciprok të sovranitetit dhe tërësisë territoriale. "

Në shtator të vitit l949, Komiteti Kombëtar i Konferencës Konsultative Politike të popullit kinez aprovoi "Programin e përbashkët", duke paraqitur më tej parimet e Kinës në trajtimin e marrëdhënieve ndërkombëtare: "Garancia e pavarësisë, lirisë, sovranitetit dhe tërësisë territoriale, solidariteti me paqen e përhershme ndërkombëtare dhe bashkëpunimi miqësor me popujt e vendeve të ndryshme, lufta kundër politikës agresive dhe të luftës imperialiste ", " Qeveria Qendrore Popullore e RP të Kinës do të vendosin marrëdhëniet me të gjitha qeveritë e vendeve të huaja që kanë ndërprerë marrëdhëniet me reakisonarët gomindanas dhe mbajnë qëndrimin miqësor ndaj RP të Kinës, në bazë të barazisë, leverdisë reciproke dhe të respektimit reciprok të sovranitetit dhe tërësisë territoriale ", " RP e Kinës do të rivendosë dhe do të zhvillojë marrëdhëniet tregtare me qeveri dhe popuj të vendeve të ndryshme në bazë të barazisë dhe leverdisë reciproke ".

Në shkurt të vitit l950, u nënshkrua " Traktati kino-sovjetik i aleancës, i miqësisë dhe i ndihmës", ku përcaktohet se " Të dyja palët nënshkruese duhet të sigurojnë që në bazë të frymës së bashkëpunimit miqësor, dhe të parimeve të barazisë, leverdisë reciproke, respektimit reciprok të sovranitetit dhe tërësisë territoriale, të zhvillojnë dhe të konsolidojnë marrëdhëniet ekonomike e kulturore midis Kinës dhe Bashkimit Sovjetik. Ato do t'i japin njera tjetrës sipas mundësive ndihma e nevojshme ekonomike dhe do të zhvillojnë bashkëpunimin e domosdoshëm."

Në qershor të vitit l950, shpërtheu lufta në Kore. Duke u ndodhur përpara kërcënimeve të luftës nga SHBA-ja, Mao Ceduni vuri në dukje se " ceshtjet e vendeve të ndryshme të botës duhet të trajtohen nga vet popujt e vendeve të ndryshme. Çështjet e Azisë duhet të trajtohen nga popujt e Azisë dhe jo nga SHBA". (zhai)