Në intervistën e tij për gazetarët e Agjencisë Kineze të Lajmeve Hsinhua, diplomati, ish-ambasadori indonezian në Kinë dhe ish-përfaqësuesi i përhershëm i Indonezisë në OKB-në zoti Vijaz K.Nambiar tha se fryma e konferencës së Bandongut sot ende ka vitalitet të madh.

Ai tha se kjo konferencë e madhe ndërkombëtare u mbajt në sfondin kur disa vende aziatike dhe afrikane sapo u shkëputën nga sundimi kolonial dhe fituan pavarësinë, ajo nuk kishte asnjë lidhje me forcat imperialiste, simbolizonte ngritjen e disa vendeve aziatike e afrikane dhe pati rëndësi të madhe historike. Ai tha se "takimi i liderëve të vendeve azio-afrikane në Bandong dhe miratimi i 10 parimeve ishin përpjekje të rëndësishme për ndryshimin e marrëdhënieve ndërkombëtare të drejtuara nga dy superfuqitë pas Luftës së Dytë Botërore." Ai tha se këto vende në zhvillim, pjesëmarrëse në konferencën e Bandongut, kishin dëshirë të ndryshonin realitetin e kundërvënies së grupeve të vendeve të mëdha, që të gjitha vendet të jetonin në bashkekzistencë paqësore. Prandaj këto 10 parime për nxitjen e paqes dhe bashkëpunimit botëror ishin kontribut i rëndësishëm i liderëve të vendeve azio-afrikane për marrëdhëniet ndërkombëtare.

Gjatë 50 vjetëve të kaluar në botë kanë ndodhur ndryshime kolosale, por zoti Nambiar është i mendimit se fryma e konferencës së Bandongut ka ende vitalitet të fortë. Ai tha se me gjithë ndryshime kolosale në botë, aspirata dhe parimet e bashkekzistencës paqësore nuk kanë ndryshuar. Ai tha: " Ne duhet respektojmë dallimet midis vendeve të ndryshme, nuk duhet të vëmë në ekujlibër problemet vetëm me një standart. Duhet të lejohen gjykimet e pavarura të vendeve të ndryshme për çështjet ndërkombëtare, të respektohen të drejtat e tyre të zgjedhjes për sistemin e vet politik, nuk duhet ndërhyrë në punët e brendshme të tyre, këto janë përmbajtje e rëndësishme e pesë parimeve të bashkezistencës paqësore."

Zoti Nambiar vuri në dukje gjithashtu se tani në procesin e globalizimit vendet e ndryshme duhet të ruajnë edhe karakteristikat e veta kombëtare. Ai tha: "Krahas forcimit të dialogut dhe ekzistencës reciproke, duhet të formohen kriteret e marrëdhënieve ndërkombëtare të tipit të ri në botë, me këtë, në një farë shkalle, është theksuar ruajtja vazhdimisht e parimeve bazë të bashkekzistencës paqësore."

Ai theksoi se bashkekzistenca paqësore ka qenë, është dhe do të jetë një parim i rëndësishëm i trajtimit të marrëdhënieve ndërkombëtare. Tani në botë ekziston një orvatje për krijimin e botës monopolare, që është në kundërshtim me pesë parimet e bashkekzistencës paqësore, dhe lidhur me këtë duhet të tërhiqet vëmendja e popujve të vendeve të ndryshme në mënyrë që ato të jenë vigjilentë. ( Daming )