Francezi Lebaron Pierre De Coubertin njihet nga e gjithë bota si "babai i Lojërave Olimpike Moderne". Ai është krijuesi më i madh i këtyre lojërave. Por kryetari i parë i Komitetit Olimpik nuk ishte Coubertini, por ishte greku Vikelasi. Pse ndodhi kështu?

Në qershor të vitit 1894, duke kryesuar delegacionin arsimor dhe sportiv të Greqisë, si anëtar i klubit pangrek të Athinës, Vikelas mori pjesë në mbledhjen sportive ndërkombëtare të Parisit. Kjo mbledhje me rëndësi historike për rilindjen e Lojërave Olimpike ishte përgatitur dhe organizuar me kujdes nga Coubertini. Sipas planit të tij, ai do të emërohej kryetar i Komitetit Olimpik dhe Lojërat e para Olimpike do të organizoheshin në Paris. Por midis përfaqësuesve pjesëmarrës ekzistonin mosmarrëveshje lidhur me vendin e organizimit të këtyre lojërave dhe me kryetarin e parë. Në fund, Coubertini iu nënshtrua mendimeve të përfaqësuesve pjesëmarrës në mbledhje dhe vendosi që Lojërat e para Olimpike të organizoheshin në Greqi edhe propozoi bujarisht që Vikelasi, kryetar i delegacionit grek të emërohej kryetar i Komitetit Olimpik të parë.

Mandati i kryetarit të parë të Komitetit Olimpik ishte nga viti 1894 deri në vitin 1896. Por gjatë kësaj kohe, Coubertini përgjigjej për të gjitha çështjet konkrete. Prandaj, megjithëse Coubertini nuk ishte kryetar i Komitetit të parë Olimpik, kontributi i tij për rimëkëmbjen e Lojërave Olimpike ishte i pashoq.

A dini cila është shenja e lindjes së sporteve olimpike moderne?

Nga 16 deri më 23 qershor të vitit 1894, u organizua në Paris "Kongresi i Rilindjes së Lojërave Olimpike". Në këtë kongres, u krijua Komiteti Olimpik ndërkombëtar, duke qenë kjo shënjë e lindjes së sporteve olimpike moderne.

Ky kongres u planifikua dhe u drejtua me kujdes nga Coubertin. Qysh nga mosha 20 vjeç, Coubertini kishte filluar përpjekjet e tij të palodhura për rimëkëmbjen e sporteve olimpike. Në vitin 1893, për të fituar përkrahjen dhe bashkëpunim ndërkombëtar dhe për të forcuar lidhjet midis organizatave dhe personaliteteve sportive, Coubertini ftoi organizata dhe persona përkatës të vendeve të tjera si anëtarë nderi të "Lidhjes Sportive të Francës". Ai vendosi që gjatë organizimit të ekspozitës ndërkombëtare të vitit 1894, në Paris, të mbahej mbledhja sportive ndërkombëtare, për të diskutuar rreth problemeve të sporteve amatore dhe të roganizimit të Lojërave Olimpike. Plani i tij u përkrah nga Lidhja Sportive e Francës dhe Haamadi, sekretar i përgjithshëm i Shoqatës Atletike të Anglisë dhe nga profesor Slas i Universitetit amerikan Princeton. Till pas kësaj, ai u dërgoi organizatave sportive të vendeve të ndryshme një letër të hapur, ku paraqiteshin problemet që do të diskutoheshin në mbledhje.

Më 16 qershor të vitit 1894, në sallën e Institutit të Sorbones të Universitetit të Parisit, u mblodhën Përfaqësuesit e 47 grupeve nga Franca, Anglia, SHBA-ja, Greqia, Rusia, Italia, Belgjika, Suedia dhe Spanja për mbajtjen e mbledhjes sportive ndërkombëtare. Më 23 qershor, në këtë mbledhje, u miratua propozimi për rimëkëmbjen e Lojërave Olimpike të Lashta, i paraqitur nga Coubertini, dhe u vendos unanimisht që të organizoheshin në çdo 4 vjet Lojërat Olimpike dhe që të krijohej Komiteti Olimpik Ndërkombëtar.

Në fund të kësaj mbledhje, u vendos njëzëri që të organizoheshin Lojërat e para Olimpike në Athinë në vitin 1896, 4 vjetë para kohe. Greku Vikelas 59-vjeçar u emërua kryetar i parë i Komitetit Olimpik Ndërkombëtar dhe Coubertin sekretar i përgjithshëm. (Shyguan)