A dini kush ishte lojtari më i shquar në Lojërat Olimpike të Lashta?

Në Lojërat Olimpike të Lashta spikatën shumë lojtarë të dalluar. Por lojtari më i shquar është mundësi i njohur Millon. Ai u nderua për 3 herë me titullin e kampionit të mundjes së Lojërave Olimpike, duke qenë i pashoq në historinë e Lojërave Olimpike të Lashta.

Milloni që kur ishte i vogël, shquhej për forcën e madhe, pasi kishte bërë stërvitje të zellshme, dhe u radhit i pari si për nga fuqia, ashtu edhe nga ana e mjeshtrisë. Ai zuri vendin e parë për 3 herë në Lojërat Olimpike të vitit 540, të vitit 532 dhe të vitit 516 para erës sonë

Milloni krijoi rekorde të shumta jo vetëm në Lojërat Olimpike, por edhe gjatë kohës së lirë. Një herë, Milloni hyri në garë me disa mundës. Ai qëndronte mbi një platformë shumë të rrëshqitshme, të lyer me shumë vaj, kurse mundësit e tjerë rrinin në tokë. U vendos që kur mundësit e tjerë e rrëzonin përdhe Millonin, do të fitonin këtë garë. Megjithëse u përpoqen shumë, mundësit e tjerë nuk e lëvizën aspak nga vendi. Herën tjetër, Milloni vrapoi me një dem të tërbuar në një takim sportiv. Në fund, ai jo vetëm e fitoi këtë garë të vrapimit, por edhe e vrau, e poqi dhe e hëngri këtë dem përpara sportdashësve të gëzuar.

Por vdekja e këtij trimi është e dhembshme dhe e pabesueshme. Siç thuhet, një ditë Milloni shkoi vetë për gjueti. Kur ai po ndiqte me vrap një kafshë, u përplas dhe u mbet në mes të dy pemëve dhe nuk mundi të dilte. Ditën tjetër, kur u gjet, ky trim i madh ishte ngrënë nga kafshët e egra, dhe i kishin mbetur vetëm kockat.

A dini se si u zhdukën Lojërat Olimpike të Lashta?

Në vitin 393, u shua zjarri i shenjtë i Lojërave Olimpike të Lashta, i cili kishte një histori prej 1169 vjetësh. Si u zhdukën Lojërat Olimpike të Lashta? Ky është një problem, rreth të cilit historianët kanë zhvilluar e zhvillojnë debate për shumë vjet.

Në fund të shekullit të 5-të para erës sonë, në gadishullin e Greqisë shpërtheu një luftë që zgjati 27 vjet midis Maqedonisë dhe Greqisë, e cila e dobësoi shumë Greqinë. Si pasojë, në shekullin e 4-të para erës sonë, mbretëria e re e Maqedonisë e aneksoi gradualisht Greqinë. Megjithëse pushtuesit maqedonas i ruajtën Lojërat Olimpike, fryma dhe thelbi i Lojërave Olimpike të Lashta humbën dalëngadalë me rënien e qyteteve Greke.

Më 146 para erës sonë, Romakët e pushtuan Greqinë dhe e bënë një provincë të tyre. Sunduesit e Romës planifikuan dhe ndryshuan sipas qejfit rregullat e Lojërave Olimpike, duke prishur më tej kushtet dhe bazën e zhvillimit të Lojërave Olimpike të Lashta. Kështu fryma dhe qëllimi i Lojërave Olimpike të lashta u zhdukën plotësisht.

Në vitin 392, krishterimi u përcaktua si fe shtetërore e perandorisë romake. Në vitin 393, Perandori i Romës shpalli zyrtarisht anulimin e Lojërave Olimpike për shkak se Lojërat Olimpike binin në kundërshtim me parimin e krishterimit. Kështu, u tret në errësirënë historike zjarri i shenjtë i Lojërave Olimpike të lashta.(Shyguan)