1. Në fillim të janarit, aparatet amerikane për zbulime në Mars Trimëri" dhe "Shans" zbritën me sukses me radhë në Mars dhe zbuluan përkatësisht dëshmi të eksistencës së ujit në këtë planet. Më vonë, edhe aparati zbulues evropian "Ekspresi i Marsit", që funksionon në binarin rreth Marsit, zbuloi gjithashtu se në këtë planet ekziston akullnaja. Këtë vit, Kina ka lëshuar me radhë e me sukses 8 raketa me 10 satelite, duke arritur nivelin e përparuar botëror.

2. Janë shfaqur herë pas here kriza lidhur me problemin bërthanmor. Në shkurt dhe qershor u zhvilluan në Pekin bisedimet 6-palëshe mbi problemin bërthamor të Gadishullit Korean, por bisedimet e 4-ta 6-palëshe nuk u zhvilluan sipas parashikimit në fund të shtatorit. Qeveria jugkoreane pohoi haptas se një numër i vogël i shkencëtarëve jugkoreanë kanë bërë eksperimente të koncentrimit të uraniumit dhe të plutonit dhe pastaj, Agjencia Ndërkombëtare të Energjisë Atomike bëri 4 inspektime në Korenë e Jugut. Problemi bërthamor i Iranit u shfaq përsëri dhe më nëntor Irani ra dakord të ndërpresë veprimet e koncentrimit të Uraniumit. Më vonë Agjencia Ndërkombëtare e Energjisë Atomike aprovoi rezolutën mbi problemin bërthamor të Iranit.

3. Më 11 mars, në Madrid ndodhi një shpërthimi i madh bombe, që shkaktoi vdekjen e afro 200 vetave. Në zgjedhjet e përgjithshme të Spanjës pas këtij incidenti, Partia e Popullit, parti në fuqi, që përkrahu përdorimin e forcës nga SHBA-ja pësoi humbje të rëndë. Në fillim të shtatorit, mbi 1200 veta u rrëmbyen në një shkollë të mesme në qytetin Beslan të Rusisë jugore. Në veprimet e shpëtimit të pengjeve mbi 300 veta u vranë dhe mbi 700 të tjerë u plagosën. Mbi 10 shtetas kinez u vranë përkatësisht në Pakistan dhe në Afganistan si pasojë të sulmeve terroriste. Incidente të egra terroriste ndodhën edhe në Arabinë Saudite, Tuqi, Indonezi dhe Egjipt. Lufta antiterroriste ndërkombëtare ka ende shumë për të bërë.

4. Në fund të prillit, u nxorrën në shesh skanalet e keqtrajtimit të robërve të luftës nga trupat amerikane në Irak, në burgun Abu Ghraib dhe pastaj mediat demaskuan se agjencia amerikane e zbulimit dhe Pendagoni inkuraronin ose lejonin keqtrajtimin e robërve të luftës. Komuniteti ndërkombëtar dënoi rëndë këtë ngjarje dhe analistët vunë në dukje se këto veprime të trupave amerikane shkelin seriozisht normat ndërkombëtare të trajtimit të robërve të luftës dhe të drejtat e njeriut dhe, si pasojë, figura e SHBA-së si "çlirimtare" e Irakut u prish rrënjësisht.

5. Më 1 maj, 10 vende të Evropës Lindore dhe të Mesdheut u bënë anëtare të reja të Bashkimit Evropian, i cili realizoi, kështu, zgjerimin me përmasat më të mëdha në histori. Ky zgjerim do të ndikojë thellësisht dhe për një kohë të gjatë mbi strukturën strategjike të Evropës dhe strukturën politiko-ekonomike të botës. Më 29 tetor, 25 vendet e Bashkimit Evropian nënshkruan "Traktatin e Kushtetutës së Bashkimit Evropian".

6. Më 28 qershor, Komiteti i Përhershëm Administrativ i Irakut, i drejtuar nga SHBA-ja, i "dorëzoi pushtetin" qeverisë së përkohshme të Irakut, por duke ekzistuar akoma gjendja e kontrollit të punëve irakiane nga SHBA-ja. Situata në Irak ndodhet prapësëprapë në tronditje, trazira dhe shqetësime. Qysh nga shpërthimi i luftës kundër Irakut, u vranë afro 1300 ushtarakë amerikan si dhe 100 mijë irakianë.

7. U ngrit gjithënjë e më shumë çmimi i naftës në tregun ndërkombëtar. Më 22 tetor, në tregun e Nju-Jorkut u shënua rekord i çmimit të naftës me 55,17 dollarë amerikanë për fuçi. Në kontrast me të, kursi i shkëmbimit të dollarit është ulur vazhdimisht. Megjithatë, rritja e ekonomisë botërore në vitin 2004 parashikohet të arrihet në 5%, niveli më i lartë në 30 vjetët e fundit.

8. Më 3 nëntor, patën rezultat e zgjedhjeve të përgjithshme të SHBA-së. U zgjodh përsëri president Gjeorgj W Bush, kandidati i Partisë Republikane, si presidenti aktual i SHBA-së.

9. Më 11 nëntor u nda nga jeta në moshën 75 vjeçe Presidenti i Këshillit Kombëtar Legjislativ të Palestinës Jaser Arafat, që ishte izoluar për një kohë të gjatë nga Izraeli në Ramallah. Pas kësaj, Abasi u zgjodh si kryetar i Komitetit Ekzekutiv të Organizatës për Çlirimin e Palestinës. Të dyja palët palestineze dhe izraelite shprehën dëshirën e rifillimit të bisedimeve dhe komuniteti ndërkombëtar vazhdoi të bënte thirrje në zbatimin e planit "Harta e rrugës" për paqen në Lindjen e Mesme.

10. Më 26 dhjetor, në hapsirat detare afër ishullit Sumatra të Indonezisë ra tërmeti me fuqi 8,9 ballëshe, i cili ishte më i fuqishmi gjatë 40 vjetëve të fundit. Cunami i shkaktuar nga tërmeti preku shumë vende të Azisë jug-lindore dhe jugore. (Wang Lei)