Është një sihariq i madh për redaksinë e gjuhës shqipe të Radios së Jashtme të Kinës që programi i saj filloi të transmetohet më 5 mars të këtij viti me valë të mesme në Shqipëri. Kjo ka përmirësuar shumë nga ana teknike rezultatet e transmetimit. Shumë dëgjues tanë na shkruajnë se programi i Radio së jashtme të Kinës në gjuhën shqipe dëgjohet shumë qartë në Shqipëri, si Radio-Tirana.

Që nga koha e transmetimit të programit tonë me valë të mesme, të gjithë punonjësit e redaksisë sonë punojnë më me zell dhe janë të bindur se me përpjekjet tona programi i Radio së Jashtme të Kinës në gjuhën shqipe do të bëhet më interesant dhe do të tërheqë më shumë dëgjues.

Për të përmirësuar më tej programin tonë, kemi hapur dy rubrika të reja " tregime kineze" dhe " të mësojmë gjuhën kineze" Në rubrikën " tregime kineze" që jepet një herë në javë, mund të dëgjoni tregime historike dhe tregime mitologjike të Kinës. Këto tregime janë përfshirë edhe në faqen tonë të internetit.

Dëgjuesi ynë i rregullt Vasil Naçe na shkruan se është shumë i gëzuar, kur dëgjoi se në programin tonë është hapur rubrika" të mësojmë gjuhën kineze". Kemi dëgjuar se rubrika " të mësojmë gjuhën kineze" ka tërhequr edhe shumë dëgjues të rinj, të cilët dëshirojnë të mësojnë nga radioja jonë gjuhën kineze. Ne u urojmë atyre sukses në mësim.