Pas zhvillimit me sukses në Tiranë të takimit me dëgjuesit e Radios së Jashtme të Kinës, shumë dëgjues na ftuan të bëjmë vizitë në shtëpitë e tyre. Më 27 nëntor, Unë dhe Wang Lei vizituam shtëpinë e dëgjuesit të rregullt të redaksisë së gjuhës shqipe të Radios sonë Vasil Naçi. Vasili, bashkëshortja e tij Pina dhe motra e tij Kristina na pritën ngrohtësisht.

Vasil Naçi filloi të dëgjojë emisionet e gjuhës shqipe të radios sonë qysh nga dita e parë e fillimit të emisioneve. Gjatë 35 vjetëve, ai nuk ka ndërprerë asnjëherë dëgjimin e emisioneve tona, njëkohësisht njeh shumë qartë gjendjen e redaksisë së gjuhës shqipe dhe të gjithë kolegëve duke u bërë kështu miq të vjetër.

Në shtëpinë e Vasil Naçit, bëmë muhabet në një atmosferë shumë miqësore dhe të ngrohtë duke bërë edhe shumë fotografi. Besojmë se dëgjuesit aq të mirë do të na ndihmojnë të ngrejmë më tej nivelin e emisioneve, kështu edhe ne mund t'u shërbejmë atyre më mirë.

Më 29 nëntor pasdite, ne vizituam edhe shtëpinë e dëgjuesit tjetër Daut Ismail Kryemadhi. Ai është një dëgjues i vjetër i radios sonë dhe mban ndjenja të thella për Kinën.

Në shtëpinë e tij është shumë të bukur, ne biseduam së bashku rreth punëve, jetesës etj. Nëpërmjet muhabetit, u thellua njohja me njeri-tjetrin dhe miqësia dypalëshe. Mbesa e ëmbël e Kryemadhit na shfaqi edhe këngë e valle. Ne kaluam një pasdite të paharrueshme.