Të dashur dëgjues, me përpjekjet e të gjithë anëtarëve të Redaksisë së gjuhës shqipe të Radios së Jashtme të Kinës, duke përfshirë këtu edhe specialistin shqiptar Ruzhdi Stringa, me përkrahjen dhe ndihmën entusiaste të dëgjuesve të dashur shqiptarë në Shqipëri, në Kosovë, në SHBA, dhe në vende të tjera evropiane, gjatë vitit 2004 që kaloi fluturimthi, kemi marrë me gëzim dhe kënaqësi jashtazakonisht të madhe 405 letra të dërguara me postë dhe letra elektronike në internet si dhe shumë letra të sjella nëpërmjet kolegëve tanë që u kthyen nga Shqipëria, shifër kjo shënon rekord në historinë e Redaksisë sonë të gjuhës shqipe, asnjë herë nuk kemi marrë kaq shumë letra nga ju. Për këtë ne ju falenderojmë nga zemra.

Gjatë vitit 2004 na kanë shkruar më shumë letra dëgjuesit e dashur z.Vasil Naçi, z.Daut Kryemadhi, z.Kujtim Pula, profesor Emil Lafe, shoku Ramadan Ndreka, shoku poet Teki Backa, z.Edison Mytezai etj. nga Shqipëria, z. Dukagjin Mullasani nga Kosova, i mbiquajtur Bruce Lee i Kosovës si dhe profesor Agron F.Fico që sapo ka nxjerrë në qarkullim librin e tij të mrekullueshëm "Profesor në 3 kontinente", dhe profesoresha e dashur dhe e talentuar Emirjeta Xhunga, dy të fundit banojnë tani për tani në SHBA. Z. Daut Kryemadhi na ka shkruar shumë letra në vargje të bukur. Jo vetëm kaq, dëgjuesit e dashur shqiptarë dërguan edhe mesazhe urimi me rastin e 35-vjetorit të fillimit të transmetimit të emisioneve tona në gjuhën shqipe dhe me rastin 55 vjetorit të shpalljes së Kinës së Re, kanë marrë pjesë aktivisht në konkursin e njohurive të këtij viti "55 vjet-Kina e Re". Gjatë këtij viti, gjithnjë e më shumë miq kanë vizituar faqen tonë elektronike dhe kanë bërë shumë komente dhe propozime, edhe për këtë ju falenderojmë.

Vitit 2004 i dhamë lamtumirën dhe vitin e ri 2005 do ta presim së bashku me punë dhe me suksese më të mëdha.