Tungjatjeta! Gëzuar vitin e ri! Të dashur dëgjues! Jam Çan Yean. Çan është mbiemër, Yean do të thotë dallëndyshe në gjuhën kineze. Mirëpo, deri tani nëna është penguar që më kishte dhënë këtë emër, sepse si një dallëndyshe, tani punoj në Pekin, i cili është mbi 2000 kilometra larg vendlindjes sime. Por, po të keni qejf, mund të më quani edhe Zana me këtë emër shqiptar, sepse në radio paraqitem kështu.

Këtë verë, bashkë me 6 shokë të universitetit, hyra në redaksinë tonë. Si një punonjëse e re, pikërisht ndihmoj veteranen tonë Pinë në punën me dëgjuesit tanë. Çdo ditë, detyra e parë për mua është që të hap postën elektronike të redaksisë sonë, të lexoj e t'u përgjigjem letrave elektronike nga dëgjuesit shqiptarë nga katër anat e botës. Nëpërmjet letrave, shkëmbejmë mendime dhe forcojmë miqësinë.

Siç kam shkruar në letrën e urimit me rastin e viti të ri, është e vështirë që t'i jap lamtumirën vitit të paharrueshëm 2004, sepse duke filluar punën time dhe duke qenë gjithnjë e më pranë jush, ndërgjegjësohem më shumë për punën time të thjeshtë, por të lavdishme. Pra, duke shfrytëzuar këtë rast të bukur, dua t'ju falenderoj sinqerisht për ndihmën dhe përkrahjen tuaj. Gjithashtu, shpresoj se në vitin e ri 2005 do të vazhdoni të ruani kontakte të ngushta me zërin e Kinës. Gëzuar vitin e ri dhe ju uroj të gjita të mira! (Zana)