Në vitin 2003, sekretari i përgjithsëm i OKB-së Kofi Anan e shpalli vitin 2004 si"viti i refomës së OKB-së"dhe emëroi një "grup të personave të njohur"në rang të lartë për reformën e OKB-së, që të paraqesë sugjerime për këtë problem. Më 2 dhjetor 2004, Anani ia paraqiti raportin e këtij grupi sesionit të 59-të të Asamblesë së Përgjithshme të OKB-së. Të gjitha këto tregojnë se reforma e OKB-së ka hyrë në një kohë kyçe.

Gjatë 59 vjetëve të kaluar, OKB-ja dha kontribut të pashlyeshëm për ruajtjen e paqes në botë dhe për nxitimin e zhvillimit. Mirëpo, me kalimin e kohës, dalin në pah pandërprerje edhe disa probleme në vetveten e OKB-së, siç janë fryrja e organikave, rendiment i ulët i punës, vjetërimi i disa organikave etj. Disa vende kritikojnë OKB-në se nuk u kushton vëmentje të mjaftueshme sferave të zhvillimit, nuk ka qenë në gjendje të zbutte konfliktet rajonale dh të parandalonte shpërthimin e luftës. Përballë kërcënimeve dhe sfidave të shumta, që i parashtrohen botës së sotme, refoma e OKB-së është bërë një problem i ngutshëm.

Në fakt, që nga sesioni i 48-të i Asamblesë së Përgjithme të OKB-së në vitin 1993, ka më shumë se 10 vjet që është parashtruar problemi i reformës së OKB-së. Në vitin 1997, pasi u zgjodh sekretari i përgjithshëm i OKB-së, Kofi Anan paraqiti disa projekte të reformës së OKB-së, siç janë shkurtimi i organikave, pakësimi i shpenzimeve etj. Mirëpo, për shkak se ekzistojnë divergjenca ndërmjet palëve të ndryshme në shumë probleme, reforma e OKB-së nuk ka arritur ndonjë progres esencial. Në nëntor të vitit 2003, Anani emëroi një "grup të personave të njohur"në rang të lartë për problemin e reformës së OKB-së, të përbërë nga 16 veta, duke përfshirë edhe ish-zv-kryeministrn e Kinës Qian Çi Çen. Gjatë një viti, ky grup bëri diskutime në thellësi lidhur me sfidat që u shtrohen paqes dhe zhvillimit në botë dhe me ngritjen e rendimentit të punës së OKB-së dhe forcimin e rolit të saj nëpërmjet transformimit të organikave dhe proceturave të saj, si dhe me probleme të tjera dhe dëgjoi gjerësisht vërejtje dhe propozime nga anë të ndryshme. Gjatë këtij procesi, gjithnjë e më shumë vende arritën unanimitet në problemin e pozitës dhe rolit të OKB-së dhe në probleme të tjera dhe shprehën mendimin se sfidat e shmta të përbashkëta, që i shtrohen botës së sotme, kërkojnë që OKB-ja të luajë më me efikasitet rolin e saj dhe që roli i saj ventëm të forcohet dhe jo të dobësohet.

Më 30 nëntor, OKB-ja publikoi një raport të "grupit të personave të njohur", në të cilin parashtrohen 101 sugjerime. Anani është i mendimit se sugjerimi më i rëndësishëm ndër to është ai mbi formimin e conceptit për sigurimin kolektiv dhe për goditjen kundër terrorizmit në shkullin e 21-të. Ai theksoi se për të përballuar kërcënimet e ndryshme, të vjetra dhe të reja, duhet medoemos të formohet një koncept i ri për sigurmin kolektiv, të kuptohen lidhjet midis kërcënimeve të ndryshme, të hartohet politika përkatëse dhe të vendosen organika përkatëse.

Krahas këtyre, edhe reforma e Këshillit të Sigurimit të OKB-së është një nga problemet që u interesojnë më shumë qarqeve të ndryshme. Këshilli i Sigurimit i OKB-së, që mban përgjegjësinë kryesore për ruajtjen e paqes dhe sigurimit në arenën ndërkombëtare, përbëhet sot nga 5 vende anëtare të përhershme dhe 10 vende anëtare jo të përhershme. Gjatë rreth 60 vjetëve, numri i vendeve anëtare është dyfishuar dhe problemi i përfaqësisë së OKB-së bëhet gjithnjë e më i dukshëm, prandaj është e domosdoshme që të shtohet në mënyrë të përshtatshme numri i vendeve anëtare të Këshillit të Sigurimit.

Disa vende të zhvilluara janë për dhënien e mandateve të vendeve të reja anëtare të Këshillit të Sigurimit sipas potencialeve ekonomike dhe ushtarake si dhe kontributeve të tyre për OKB-në. Por vendet në zhvillim e konsiderojnë këtë si një gjë të padrejtë, sepse Këshilli i Sigurimit nuk është këshilli i një kompanie, aq më tepër, nuk është një klub i vendeve të pasura. Në propozimin e grupit të personave të njohur nënvizohet se zgjerimi i Këshillit të Sigurimit duhet të mishërojë parimin e shpërndarjës së drejtë rajonale dhe vendet e reja anëtare nuk duhet të gëzojnë të drejtën e vetos ashtu si 5 vendet anëtare të përhershme të Këshillit të Sigurimit.

Anani u shpreh se në mars të vitit 2005, në bazë të raportit të grupit të personave të njohur, ai do t'i paraqesë për diskutime Asamblesë së Përgjithshëm të OKB-së një program lidhur me refomën e OKB-së. Ai shpreson se, në vitin 2005, OKB-ja do të fillojë reformën esenciale dhe do të arrijë sukses. Viti 2005 është 60-vjetori i krijimit të OKB-së. Popujt shpresojnë se OKB-ja, që do të kremtojë 60-vjetorin e ditëlindjes së saj, do ta mbledhë mendjen dhe, në kushtet e reja historike, do të luajë një rol edhe më aktiv për ruajtjen e paqes dhe për çështjen e zhvillimit në botë. (Yuan Xin)